Ei-in Rawl, Hmeh Bawl Dan (11)

e 11
Ei-in Rawl, Hmeh Bawl Dan (11)

Mai Daidim Style Egg Gravy

Himi hi hmeh tuah ding ka theih cawk lo lai, ka pi le khual an tlawngih a fanu pahnih le keimah lawng inn kan um. Kan ‘Sa’ retnak kuang sungah Ngasa lawng a um. Sa dang um nawn lo. A upa deuh khi a nu um lo cun ngasa ei dah lo a si fawn. (A nauhak lai a dang sungah nga ruh a rak tang dah ih zato tiang an rak thleng. Curuangah ngasa kan ei le a nu in a ruh thawhsak thluh ciami lawng a ei.) Arti cu tampi kan nei. Cucun, Arti hi phundang deuh ih kio dan ka ruatih himi hi ka polsuak. Vanțhat ah an unau in an rak duh takih “Ziang si kan hmeh hmin?” in ti hai khaw “Keimai’ style egg gravy” ka rak ti. Cutin “Your egg gravy” in ti ringring ta ih a U deuh pasal a neih hnuih nau a pai hmanah himi ei a don(crave) ngelcel pan lo maw!

Na suang sin duh ve maw? Rak suang sin ve aw. Kan zir ding.

A Telmi Thilri (Ingredients);
1. Arti
2. Kawlhang
3. Kaikuang caar (dried prawns)
4. Khasuan sen
5. Khasuan rang
6. Lai purun hnah (spring onion)
7. Siti
8. Cite
9. Ai-eng
10. Hnakphek phut (ငုပ္မႈန္႔) အေရာင္တင္ ih hmangmi phun pawl. A sen tuk lomi
11. Tidai

Timtuah Dan;

A hmaisabik ah Arti na suang hmin ta ding. Pumziat ti cu a eitu ding mipum țuat in na duh zat simai. 15mins ah a hmin. Na suah dingih tidai thawn 5mins hrawng ciah. Cun a hawng kheh aw.

Kaikuang caar kha Arti na suan sungah na ciah ding. Cun a ti na hlon dingih hnakphek phomnak thawn țok thluh ko na phom ding. Na phom thluh in kheng pakhat ah ret sung aw. Cun, Khasuan sen le khasuan rang khal na phom ding.

Kawlhang a hawng na zelh dingih a sah in sat cip thluh aw. Spring onion kha kholh fai awla eh khat can teten at aw.

A Suandan;

Thirbel na toh dingih siti steel hai 4 hrawng na tuah ding. Na Arti kha a laifang in na atphel thluh dingih siti sungah na thlak ding. A puak phuppho phah ding. 2mins in khatlam na let dingih a dang 2mins in lengah na suah ding.

Cun, khami siti sungah khasuan sen le khasuan rang na phom ciami na thlah ding. Ai-eng le hnakphek phut malte na thlak ding. Cawl lo’n cok rero aw. Na khasuan a caar phiarphi tiang na kio ding. Cumi in kaikuang na phom mi na thlah ding. Meisa fate in tuah awla cok rero hrih.

Kaikuang rim a hmui vervo, a rong sen nawn teih a um ngahin kawlhang na sah cipmi na thlah ding. Cun, cite a mawitawk in phulh. Cawl lo’n cok rero hrih. Kawlhang a hrek hmin tluk tiang cok. Cun, tidai toih. A so ngahin Arti thlah, veikhat cok ta. Cumi a hong so salin spring onions thla awlah cok phahin a leng ah suah. Uhm……… Hmui vurvo, a leng um pawl hman an ril na ti rawng thluh thei ding. smile emoticon

‪#‎CTrawlsuanzirnak‬

(Visited 352 times, 1 visits today)

Comments

comments

Comments

%d bloggers like this: