Ei-in Rawl, Hmeh Bawl Dan (10)

Chicken with Chestnut
Tit-er (Chestnut) Thawih Arsa kio

Tit-er hi rawl hmeh tivek ih țha ah kan ruat dah lo men thei. Falam tlawng kai pawl cun Tit-er zuartu ih hmel cu kan hminsin ngaingai. A fuuk ih fuuk vialvial a si. Kanhmui cia in a zuar țheu. Yangon Sule kiangkap vel khalah thirbeel tumtak in atu an kan țhehmi atu fuun hngalh, a tampi. Tu cu khami Tit-er kha Arsa thawih suan a thawtzia kan suang sin pei.

Tit-er (Chestnut) le Arsa

A Telmi Thilri;

1. Arsa 1kg
2. Tit-er hel, cawpawng phiah
3. Aithiing
4. Khasuan sen
5. Siti
6. Oyster sauce
7. Black sauce (ၾကာညႇိ)
8. Soy sauce (ပဲငံျပာရည္)

Timtuahdan;

Arsa kha sa sem awm mawi tawkin na can dingih na kholh fai ding.

Tit-er (chestnut) kang hrih lomi a hel rori kawlram cawpawng phiah tluk kha a hawng na kheh dingih na kholhfai thotho ding. A hmin ol deuh ding na duh le a ciah khal na ciah thei.

Khasuan sen pumkhat fateten na at ding. Aithiing sem khat ten na at ding.

A Suandan;

Thirbeel ah siti na sat ding. A hmaisabik ah aithiing na thlak ding. A rim hmui ngahin khasuan sen na thlak ding. Khasuan sen a mikhut a reh a rim a hmui ngah in Arsa na thlak ding. Cun, na cokrual rero ding. Arsa kha a rong rang phiahphiah a si in Tit-er na thlak ding. Na cok phah ding. Cun, soy sauce (ပဲငံျပာရည္) haite khat, oyster sauce haite hrek le Black sauce (ၾကာညႇိ) haite thum na thlak dingih na cok rual ding. An zaten a rong an rualran ngahin Leibeel (Clay Pot) ah na tlong ding. (Leibeel ih suan khi a thawtdan a dang. Leibeel na neih lo khalle beel menmen in na suang thei.) Tidai khuat hnih hrawng na toih dingih meisa fate in 30mins na suang ding.

Woa!!! A rim cun na inn sung lawng si lo, nan hnenveng pawl hnar sung a rak hrawh thluh kei ril mi a ti rawng thluh ding. Na ei lai ah na hmin an lo kawh hmanah na awih man zik lo. Cucu si “A thawtdan cu hmin hngilhnak” an ti țheu mi.

By/ Mai Daidim
‪#‎CTrawlsuanzirnak‬

(Visited 375 times, 1 visits today)

Comments

comments

Comments

%d bloggers like this: