Egypt Ram Tumkau Ni Ah Biak Inn Pahnih Khawm Lai Bomb Puak: Mi 37 Thi

Egypt ram Coptic biak inn pakhat ih Tumkau ni hmangih khawmtu pawl cu misual pawl in bomb thawn an puah ih mi 37 in coplecilh roriin a hmun ah nun an liam phah cihih, mi 100 lenglo in hiam nazet a tuar.

Bomb puahtu pawl ih an tumtah mi si dingih lang cu zumtu pawl hringhronak hrang ih an tuah mi a si ti cu fiang zetin an thei. Asinan himi bomb puahtertu thu ah zo pawl hi misual an si ti tutiang thu felfai theih a si hrih lo tiin AAP thuthang cun a tarlang.

A veikhatnak bomb puaknak hi Tanta timi Nile Delta khawpi ah a siih an khawpi Cairo ihsin km 100 tluk fang lawng hlatnak ih um mi a si. Himi bomb ah mi 26 an thiih mi 76 tluk in hliam an tuar.

A veihnihnak hi a hmaisa puak hnu sml pakhat ah Alexandria timi hmun ah a siih mi 11 in thih phah. Mi thi lakah palik pathum an tel ih hliam tuar hi mi 35 an kim tiin thuneitu pawl cun an sim.

Hi hmun hi 2013 hnu lam ihsin ISIS mihel pawl ih cangvaihnak a nasa zet ih zumtu pawl hringhronak an tuar a luar. 2015 ah zumtu mi 21 pawl an lu an rak tan sak hngehnge. Kan dung kum December khalah bomb in biak in an rak puah ih mi 25 in an rak thih phah dah zo.#

(Visited 41 times, 1 visits today)

Comments

comments

Comments

%d bloggers like this: