Egypt Ram Ah Thihnak Thleng Sal

310x190_73119_262781CAIRO : Egypt Football thuanthu ih thihnak rapthlak cu, February 1, 2012 ah khan, al-Masry le Al Ahly tei sitnak bualrawn ah a thleng asi. Hitawk ih bawhlung an sitlai ah, an fan le fan lak ah buainak a suak ih, cui buainak ruangah cun mi 74 in thihnak an tuar. Cui thihnak thlennak hmun ah, palik pawl in buainak tisuaktu pawl cu an kai hai ih, an thu zohsak ding in an ret. Cui an thuhla cun Cairo ih thuthennak cun kan dungzarh sungah khan zohfiahnak a nei ih, mi 74 ih thihnak thlenni ih buainak tisuaktu mi 21 pawl cu thi ding in an thu relcatsak an si.

Cui an relsak mi pawl cu Al Ahly club fan pawl an si. Cui an thutitluknak cu Al Ahly fan pawl thinheng in Cairo khawsungah lamzawhnak an nei lala ih, palik pawl thawn tibuai aw in, mi 32 an thi zo. Hliamhma na zetzet ih tuartu khal tampi an um ruangah, hi mipi le palik karlak ih tibuaiawknak thawn pehpar in mi tampi an thihsal zum a umthu khal theih asi.

Egypt ram ih buainak a thlennak kum 2 kimnak ni khal ah lamzawhtu pawl e palik pawl karlak ih buainak ruangah mi 8 tluk an thi zo ih, zarhkhat sung ah mi 40 tluk Egypt ramsungah an thi asi. Himi ni ih thu relsak asi hrihlo mi mi 72 pawl ih thu khal March 9 ah relsak an sisal ding. Al Ahly club fans pawl cun, cumi ni khal ah hivek ih cozah in a tuah asi ah cun, kan rualpi pawl hrangah kan ding ve ding asi ti in an au ve.

(Visited 45 times, 1 visits today)

Comments

comments

Comments

%d bloggers like this: