Egypt Ram Ah Christian Dawr Muslim Pawl In Siatsuah

copts-attacked-e1317070882928QENA : Egypt ramsung ah nitin deuhthaw in Christian pawl hin nautatnak, hmuhsuamnak, ti duhdahnak le thihnak an tuar ringring. Kan dung naite ah khan, Qaena peng sung ih khua pakhat ah, Muslim rualkhat cun Christian dawr ah feh in, an dawr an siatsuah sak ih hlei ah dawr kiltu nunau cu an sualpi fawn.

Dawr 4 an nawkkang ih, Marashda ih thlacamnak inn khal an lungto thawn an deng ih, an siatsuah theh. Tina Ramirez, director of International and Government Relations for The Becket Fund for Religious Liberty cun Christian Post hnen ih thu a thlennak ah, “Christian tampi in nitin harsatnak an tuar rero nan, Muslim ram asi vek in, zianghman Christian hrangah cang theinak a um ve lo. Tuar cuahco asi ko” ti in asim.

Comments

comments

Comments

%d bloggers like this: