Egypt Bus Excident Ah Tlawngta Nauhak 40 Lai Thi

Tuni Zarhteni, Nov 17, 2012, ah Egypt ram Cairo khawlipi kiangah bus excident ruangah tlawngta nauhak a malbik 40 an thi tiin acozah thuthang latu le doctor pawlin an sim.

Bus excidentnak kiang Assiut ih um siizung doctor pa khalin mi 38 an thi ih 37 cu nauhak tete kum 4 in kum 6 karlak lawnglawng an si tiin a sim.

“A hmutu pawlih simdan ahcun, tlangleng fehnak zin, tlanglang rat tikih an kham ṭheunak kha a ong veten a cuih bus cu a feh ve ih, a feh ve ciah ah rin lo pi’n tlangleng a ra ih a pah cih ti’n an sim,” ti’n doctor Mohamed Samir in a sim sawng. Amah thotho cun nauhak pali le nunau pahnih pawl khal nasa zetin an hliam tiin a sim hrih.

Hi thilcang hi Manfalut khawpi kiang Assiut ah a si ih, Cairo khawlipi ihsin 300 km (peng 190) a hla. President Mohamed Mursi in a minister pawl cu a thitu pawlih innsang pawl bawm dingin thu a pek. Egypt ram hi lamzin le tlangleng zin lamah a tiṭha lotuk tiin hminsinnak record nei cia a si. Egypt mipi pawlin hi thilcang ruangah acozah hnenah lo theih lo ih a ṭulmi, lamzin tvp cu tuahṭhat sinsin dingin an dil.

Comments

comments

Comments

%d bloggers like this: