Egypt Buainak, Mithi Tam Sinsin

Riot police and army personnel take them up positions during clashes with members of the Muslim Brotherhood and supporters of ousted Egyptian President Mohamed Mursi in CairoEgypt khawlipi Cairo ah buaitu umnak hmunpi 2 a simi Rabaa al-Adawiya tualrawn le Nahda tualrawn cu kilhimtu ralkap pawl in leilung nornak tank le leilung lawknak bulldozers tawn an luthnawh lawlaw ih an dawitek thluh. Cumi ah palik 43 tel in mi 278 an thi tiin August 14 ni ah Sky News cun a sim. BBC ih ngandan vek cun mi 525 an thi, mi 3572 in hliamhma an pu, tiin a tarlang. An hlonmi hotulal Morsi tantu, lamzawhnak nei ih buaitu lam ih reldan ah cun, mi 2,600 lai an thi, tiin an than.

Mithi retnak tikhal inn le sizung pawl ah mithi ruak cu, a teltel in a um ko. An buainak ruangah ralkap pawl thawn an nor lawlaw ih cumi ih thinheng pawl cu Alexandria, Minya, Assiut le Suez khawpi pawl ah Islam tangrual pawl cu an sosang phah.

Atu ih acozah lam ih Ramsung Vuanci Mohamed Ibrahim cun, ralrinnak kan pe zo ih an duh lo ruangah mitthli bomb thawn, thazang malte lawng kan hmang, tiin a sim. Anih cun, Muslim unaurual tiih tangtu pawl hi palik khal an kap, acozah inn pawl khal an siatsuah, biakinn pawl khal meisa in an ur, an sual a si, Egypt mipi ih duhdan le lungkimnak in karlak acozah thar kan dinnak a si, tiin a rel ve.

Atu acozah ih hotusang a tuantu Mohamed El-Baradei cu Egypt rampi daitein umter duhtu, zuam rero tu a si ih, hivekin ralkap hmangin mithi tampi an suahter ruangah tuanvo ka la thei lo, tiin a hnatuan ihsin a suak.

UN ih General Secretary Ban ki-Moon cun, hivek ih hriamhrei le ralkap hmang rori ih mipi tampi thihnak thleng ko ih tuah cu a tha lo a si, tiin a sim ih, US ih Ramdang Vuanci Kerry khal cun, hivek ih hriamhrei le ralkap rori ih mipi tampi ciil cu a tha lo si, tiin a sim ve.

Comments

comments

Comments

%d bloggers like this: