Easter Ah “Thangthat Album” Online Ah Lei Theih Ding

Thangthat Praise & worship songs

Chin mino ih mai irawmsuak ih ngan mi, santhar thangthat hla pawl suungkhawmnak “Thangthat Praise & Worship Album” cu Thosal caan ah online ih lei thei dingin ret an tum.

Thangthat Praise & Worship Album hi copy 1000 lawng suah in March, 2017 ah ramsung ramleng ah tlangzarh a siih thazaang rak pektu zate parah Zatial Media in lungawi thu an sim.

“Leitlun hmun zakip ih um mipawl hnen kan zuar theilo ruangah kan rak than cia vekin online ah lei theihin kan ret thlang ding. Kan Bawipa Jesuh khrih, thihnak ihsin a thosal ni (Easter Sunday, April 16) in lei thok a theih ding.” tiin Salai Bawi Uk Thang cun a sim.

Thangthat Album hi USA, Australia, Malaysia, Singapore pawl lawngah malte ciar kuatsuak a si. A ngaitu mino pawl in tuikum sung thangthat hlasuak mi ahcun an uar zet mi hla a si.

Itunes, Google Playstore, Amazon.com pawl ah lei a theih a si ding ih fing khat tete lei duh si seh, album pum ih lei duh si seh, mah le remcang dan in lei a theih ding. Spotify hmang pawl hrang khal Spotify khal ah ret a si ding.#

(Visited 92 times, 1 visits today)

Comments

comments

Comments

%d bloggers like this: