E3 Conference Meeting Singapore Ah Chinmi Pahnih Tel

E&Z

Enoch Lai Nei Pui & Ephriam Lal Zawm Lian

Enlarge, Enrich Encourage (E3) conference meeting pi cu Singapore, Myanmar, Malaysia, Nigeria, Africa, Thailand, USA, Cambodia ram pawl telin October 24- 26 tiang Singapore khawpi ih Cuppage Plaza inn pi sungah hman a siih Kan Chinmi pahnih Rev. Enoch Lai Nei Pui le Saya Ephraim Lal Zawm Lian an tel thu Chinland Today cun thu kan thei.

Ram ramriat ihsin conference meeting kai an si thu le an  conference thuhla ah Saya Enoch Lai cun, ” In zirhtu cu Singapore mi Rev. Benjamin a si. Kawlram ihsin mi panga in ko nan remcan lonak ruangah mi pahnih lawng kan ra kai thei. Cun meeting kaitu hi mi 150 hrawng kan si ih ram riat ( Singapore, Myanmar, Malesia, Nigeria, Africa, Thailand, USA, Cambodia) ihsin kan si. Kan thu relmi thupi cu ” Pathian thu hi leitlun hmun kip ah darhsuak sehla a takin hmang uhsi” timi a si. Lamzin fehnak hi mahte rori ih tumawk a tul ih mi an tam thei lo deuh lam sawn. Ni 25 sun kha sun ni hlawh Pathian thuthangtha zirnak kan nei” tiin Chinland Today hnenah a sim.

Pathian thu ih hlawk tuk ih a theihawknah ah Saya Enoch cun,
“Pathian thu ah ka hlawk tuk lawmmam! Kan thuzir mi ah ka hlawknak pa 10.
1. Leitlun mi rundam dingin hna tuan uhsi.
2. Zumtu hi lungrual ten Pathian rawngbawlnak ah pehtlaihaw (connect) uhsi.
3.Pathian thu kan theihmi hi midang hnen ah pe sawng ve uhsi.
4. Leitlun ah Pathian thutak cinung tuh uhsi.
5. Pathian thu ah nun thanglian ( maturity) nei uhsi.
6. Pathian hrangah kan nun hlan siang uhsi ( as a living sacrifice).
7. Pathian ih thiltitheinak (ability) hi hmangthiam uhsi.
8. Runhimnak hna tuantu ( Khirh ralkap tha) si cio uhsi.
9. Miih kan par in tlantlak dingin nuntam ( abundant life) nei uhsi.
10. Pathian thu hi kan hmanthiam mi bik ah hmang uhsi.” ti pawl an si thu sim phahin tuitum hi Pathian thu ruangih ramleng a thlen hmaisabiknak a si thu khal a sim. Cun, conference kaitu zate hrang zuk zuktu a hranten an um ih curuangah mah le phone thawih zuk an zuk tei lo poi a ti thu khal Saya Enoch cun a sim bet.#

 

 

(Visited 411 times, 1 visits today)

Comments

comments

Comments

%d bloggers like this: