Dutch Siangpahrang Nu In A Fapa Lalnak Pek Tum Thlang

914ac0a664cde803270f6a7067002ec3AMSTERDAM : Dutch ram ih siangpahrang dinhmun ih kum 33 tuan zo tu Queen Beatrix cun, April 30 ihsin a hnatuannak le asinak ihsin cawlh a tum thu a puang ih, cumi rual in, a sinak le a lalnak cu a fapa hnen ah pek asi ding ti in a thusimnak ah asim. Kum 75 nak a suahcam lawmnak ah hi thu hi a rel asi.

Hi a sinak hi a fapa, kum 45 ih upa Willem-Alexander hnen ah pek asi ding. A suahcam January 31 an lawmni ah hin, Netherlands ram cun, siangpahrang ih an ram a uknak kum 200 kimnak khal hlunghlai zet in lawmnak an nei hngal. “Mipi pawl ih thapeknak le duhsaknak ruangah tuvek ih kum reizet hna ka tuan theinak asi ih, kan ram mipi hnen ah lungawithu ka sim duh. Kum rei nawn ka hnatuannak thuthawn pehpar in ka ruah hnu ah, tu hi a can asi ding ti ka zum ruangah ka fapa hnen ih sinak pek ka tumnak asi” ti in asim.  

 Syria Ram Ah Ruang 65 Lai Sarsuah Asi

ALEPPO : Syria ramsung ih buainak suakmi ihsin thah a si ding ti ih zummi ruang 65 pawl cu. Aleppo ih ummi Quweiq tiva ah sarsuah asi thu ramsung thuthang cun an tarlang. A thimi pawl hi mipa lawnglawng an si ih, nauhak khal an tel thu theih asi. Hi an tahmi pawl hi, meithal ih kah lawnglawng an si ih, tiva sung ihsin an phorhsuak rero lai. A Free Syrian Army ih Captain Abu Sada cun, “Tuini ( 29.1.2013 ) tiangah ruang 68 tluk kan lasuak zo ih, a hnuailam ah an umlai kan zum ih kan hawl rero lai asi. Kan hmusuak thluh thei asi ah cun, mi 100 hnak hman ih tam ruang kan hmuh a zum um asi” tiin thuthang ah asi. Hi a thimi pawl hi, Bustan al-Qasr lam mi ansi ih, thah an si hlan ah khan thlah ding ih kaihsal ( kidnap ) an si thu khal asim bet.

 

Comments

comments

Comments

%d bloggers like this: