Dungsiip

Dungsiip

Siar: 2 Samuel 12:1-13

Ziangah so ka thukham na thlun lo, hi bangtuk thil ttha lo hi na tuah?

– 2 Samuel 12:9

Kumkhat Sung Baibal:

Daniel 10-12

Thufim 19:1-15

Automatic kholhnak in ka mawttaw ka kholhter lai ah a sungah ka to nain a hmailam kehlam ke tire um daan a dik lo ti ka thei lo. A kholh thok rero nain ka mawttaw cu a thawn thei lo, a taang ringring men.

Ka ttang na’n hmailam ah ka feh thei lo, dunglam khal ah ka siip thei fawn lo. Mawttaw kholhnak cun, ka mawttaw ka kholh ngah lo. Mawttaw dang pawl cu an tlar aw thlang. Keimah in hngak. Cuih hmun ih hnattuantu pahnih in, in bawm ih ka lung a awi ngaingai.

Kan Khristian nun tla a caancaan ah dung kan siip ttheu. Siangpahrang David ih thuah fiangte’n kan hmu. Bathsheba thawn an sual hnu ah a pasal cu raal an hraannakbik hmun ih hmainortu ah thi dingin a thlah (2 San. 11:3-4, 15-17). Pathian in a hrilmi siangpahrang siter a duh daan ihsin a peeng ah a feh.

David cu lamzin dik in feh dingah bawmtu a ttul. Pathian in David hnenah Nathan a thlah (2 Sam. 12:1). Midang nupi a laaksak thu a va sim. David cu Pathian hnenah kir saal thei dingin Nathan in raltthazet in a bawm nain a sual man cu a tuar thotho ko.

Mi pakhatkhat lamzin dik ih feh saal dingin bom ttul mi na thei maw?

Zumtu dang thawn pehtlaihnak tuah aw,

Kan cah lo tikah raalrinnak in pek,

Kan sual tikah raalrinnak in pek,

Bawipai’ duhnak kan hawl tikah in bawm.

Duhdawtnak dik cun, ttong a ngam.

Comments

comments

Comments

%d bloggers like this: