Duhnungza Pehzom Awknak

August 12

Tlawngkai Nili 

Duhnungza Pehzom Awknak 

Siar:

1 Johan 4:7-5:1 

Cubangtuk in kannih khal mi tampi kan si nain Khrih thawn kan pehzom awknak ahcun pumkhat kan si.   – Rom 12:5 

Kumkhat Sung Baibal:

–    Saam 84-86

–    Rom 12 

Ka rualpa David tla board meeting a kai ti ka thei ih ton ding ka hngakhlapzet. Anih thawn Sharon ih rualpi tthazet kan si veve. Sharon cu kum reinawn ah in thihsan zo. Sharon ih Pathian a duhdawt zia le a nun daan zia pawl kan rel saal. Na duhdawtzet mi na rualpi a duhdawtzet vetu mi pakhat thawn pehzom awknak neih cu ziangtluk in so a nuam! Kan duhdawtzet mi ih thuhla sim cu nuam kan ti ringringnak in, kan lakah ahleice pehzomnak in neihter.           

Jesuh Khrih cu i Runtu le ka Bawipa ti ih a pomtu zumtu pawl karlak ih pehzom awknak cu a hngetkhoh cuang. Kannih cu Khrih thawn siseh, pakhat le pakhat siseh, kumkhua in a pehtlai awmi kan si. Paul in, “Kannih khal mi tampi kan si nain Khrih thawn kan pehzom awknak ahcun pumkhat kan si” a ti (Rom 12:5). Kannih cu Jesuh Khrih thawngin Pathian fa kan si. Zo khal sisehla an Pa a duhdawtu cun a faale khal a duhdawt a si (1John 5:1).           

Zumtu dang pawl thawn kan ton awk tikah kan duhdawtzetmi Jesuh Khrih ih thuhla rel tlangnak caan ttha kan ngah: A thihnak le a thawhsaalnak ihsin kan ngahmi a duhdawtnak, ngaidamnak le zaangfahnak (1John 4:9-10) thu pawl kan rel ttheu. Cuvek caan ah rinsan tlakzet ih Amah kan thlun ringring theinak dingah pakhat le pakhat thazaang pek awkton kan ttul.           

Kan hmai Nipi Ni le a zarh khat sung pumpi cu Jesuh cu ziangtluk mangbangza a si tile A tuahmi hmuahhmuah zumtu dang pawl theihter saal uhsi!    –Anne Cetas 

Kannih zumtu pawl cu,

Amah zumtu hmuahhmuah thawn unau kan si;

 Cuih zumnak le duhdawtnak hri in,

            Thazaang kan ngahter awk veve.    – Hess    

 Jesuh na duhdawt deuhdeuh asile A thu na sim deuhdeuh ding.

 

 

(Visited 24 times, 1 visits today)

Comments

comments

Comments

%d bloggers like this: