Duhlonak Langtertu Hruaitu Pawl Thuthennak Ah An Lut

Kan ram thuthennak ah copper khur ih duhlonak langtertu pawlih hruaitu mi pariat cu kan dung Tlawngkai Nihnihni, Dec 2, 12 ni, ah zungah ko in thu an sit. Duhlonak langternak ih Hruaitu Moe Thwe thawn mi pariat an tel in rampi dodal dingin daan loin midang forhnak thuhla in an sit tiin duhlonak langtertu lakih pakhat cun a sim.

Palik pawl cun midang pahnih an kaibet duh hrih thu an sim. Himi in atu acozah thar in duhlonak langternak thawn pehpar in ziang vekin ahlan ralkap acozah hlun thawn an tidanzia a langter. Ramsung ih lothlotu tampi cun an loram pawl cetzung hmun dingah laak a si tiin an sim. Cucu acozah in an eel. Monywa ih saklam nitlaknak Letpadawng khur ah kan dung Tlawngkai Nili ah duhlonak langtertu pawl cu palik pawlin an then ih minung tampi cu hriamhma an pu. Cutawk ahcun Tuluk pawlih copper laihnak khur a um.  Duhlotu mipi pawl lakah phungki pawl tampi an telve. Phungki 70 hrawng cu zato ah an um.

Himi duhlonak langternak hin acozah ih loram canvo cotheinak, kiangkap kilhimnak, zalen zetih duhlonak langter theinak, sumpaiphumlutnak tum pipi lawng usapek ih ramsung mipi ziangsiarlonak pawl hmuahhmuah a khih thluh ih rampi huap ih thubuai ah a cang. Mipi tampi in cun atu tiang khalah an lung a kim thei hrih taktak lo. Acozah thar in fimkhurten remthat a tul hrihmi a si.

Comments

comments

Comments

%d bloggers like this: