Duhhrilnak

 

 

July 2 

Tlawngkai Nili

 

 

Siar:

Seemtirnak 2:16-17; 3:1-8

 

Pathian in a hnenah, “Hmuan sungih a ummi thingrah hmuahhmuah na ei thei; asinain a ttha le a sia theihtheinak thingkung ih rah cu na ei hrimhrim lo pei. Na ei asile na ei ni in na thi ding,” tiah a sim.   –Seemtirnak 2:16-17

 

Kumkhat Sung Baibal:

–   Job 22-24

–   Tirhthlah 11

 

Nupi nu note pakhat in kum hnih a simi a faate duh a hriltermi ka zoh ringring. “Ngasa asilole arsa na thei?” tiah a ti. A nauhaktuk lai ruangah hril daan ding a thiam lo pang ding tiah hril ding pahnih lawng a tuah sak. Duhhrilnak in hril ding tam sinsin a umter vekin duhhriltu cun hril loin a hnong thei.

 

Eve le Adam cu kiangkap kimvel tthabikmi hmuan-duum ah an rak um. Pathian in Eden hmuan-duum sungih thingrah hmuahhmuah ei theinak thu a pek. Thingkung pakhat hrang lawngah ramri a tuah sak. Duhhril theinak an nei ih ruahnak fim nei lotu ih hril dingah a si. An hrilmi cu riahsiatza a si.

 

Mi hrekkhat in ramri a tuahsak hngaimi parah Pathian an mawhthluk ih a control hngai tum tiah an puh. Kannih khal Pathian in hril ding in pek.

 

In humhualnak dingah Pathian in ramri a tuah. David in, “Na thukam cu ka hnenah a caam ringring; ka raal pawl hmuahhmuah hnakin ka thei deuh… Na thu zirhmi pawl ka ruah tthat ruangah patar pawl hnakin ka fim deuh. Na thupekmi ka thlun ruangah ziaza ttha lo cu ka hrial zo, Na thu thlun ka duh ruangah,” (Saam 110:98-101) a ti.

 

Pathian cun in helhkamzet ih thil ttha kan hril thiamnak dingah ramri in tuah sak.

 

Bawipa na thu thlun dingah in bawm aw,

Na ttong dimte thei thei dingah;

Milai ih sawntermi kan si lonak dingah,

Na duhmi in hrilter aw.

 

Pathian ih thukham cu in beidongtertu si loin

a kimtertu sawn kan sinak dingah in pek.

(Visited 23 times, 1 visits today)

Comments

comments

Comments

%d bloggers like this: