DUHDAWTTU SUNGHNO KA NU NGAINAK

DUHDAWTTU SUNGHNO KA NU NGAINAK

Sunghno semnak
ka Nu
I khuh ee…na duhdawtnak cun
Ka thin sung muril tiang
A pann siamsi na hmel
A thlum ee…
Khuai tizu bang
Na annka nemte
Ka hrang cahnak sii t’ha bik
Ka hung t’hanglian na tlawnginn pi in
A ring tuk ee…
Ka thin sungah
Na nun zirhnak
Sam thei caan um lai maw…
Ka Nu
Na duhdawtnak hi!!!
Fimnak hawlin atu tlang thawng danah
Kei na thaal rinum
Ka hmang ka caan sung bik
Ka ngai hleice
Nat le Taamhal caanah
Na kut suan rawl hlumte
Buh suahmi le Anthur hang hman!
Na Behrum thutmi thawte thawn
A cuang hleice
Mitthlamah hin
Ka zohkhawp lo nitin in
Na zuk mawite
A khat ee na hmel  cu
duhdawt, ngilneihnak in
Ka Nu
Kutzung t’hepin ka siar
Tawnsalnak ding
Kum, ni le thla
In hngak hrih law
Ka t’heh hrih lo ka tumruh
Tlawng thawng danin
Tuarhrih ko ning
Duhdawttu
Sunghno semnak
Ka Nu ngai in…

DL Senling

(Visited 58 times, 1 visits today)

Comments

comments

Tags:

Comments

%d bloggers like this: