Mah Duhdawttu Neih A Tha Maw?

Duhdawtnak simfiang theihlo mi hi kei khalin simfiang ka tum ciamco lo. Kum thawngtel rak liamzo ahkhan mifimpawl in Duhdawtnak “Love” an rak simfiang tum rero nan minung tongkam le simfiang tumnak thluak pawl khalin a rak daih thei hrimhrim lo.

Veikhat hmuhnak ih duh cutci. Love at first sight tla an ti. A then cun duhdawtnak hi kan tette lai ihsin amahten a rak phum aw cia mi thil a si an ti. Ziangvek khal va sisehla duhdawtnak hi cu a rak um hrimhrim a si.

Duhdawtnak thu ah mah duhdawttu hi neih a thabik tiah nupi pasal neizo pawl khalin an sim tambik mi a si. In duhdawttu ngaingai cun kan thatnak ding lawng an ruat theu, hihi hlu ka ti zet a si.

In duhdawt ngaingaitu

  1. In duhdawt ngaingai ih kan hrang an rinum lawlaw.
  2. Kan lungawilo le kan nuam lo ding an phang hlehle.
  3. Kan thatnak dingah ziangkim rorin an ruat.
  4. Midang lakah in fak, asinan in relse siang hrimhrim lo.
  5. An ziangkim in pe siang.
  6. In duh tuk ringring ih thin a nuam.

Kan duh ngaingai lo mi cu

  1. Kan ngaihsak tuk lemlo, kan rimum lo tlangpi.
  2. An thilti kan sawisel peih tuk.
  3. An thatnak ding hnakin kanmah thatnak ding kan ruat sawn.
  4. Midang hnenah kan rel vivo.
  5. An thin a nuam thei lo.
  6. Lunglen caan kan nei tam ih thin nuamlozet ih caan hman a si.

Kan duhdawt zet nan in duhdawt lemlo tu neih a tha cuang lo.

  1. In ngaihsak lem lo.
  2. An hrang nuamnak lawng an ruat hleice.
  3. Kan tisualnak an thei ih an sawisel paih.
  4. Midang hnenah in rel paih tuk.
  5. An thil neih in pek sian cin an nei.
  6. Thin nuam lo in kan um ringring.

Kan Baibal cathianghlim ahcun “Pakhat le pakhat duhdawtawk lo leiba dang nei hrimhrim hlah uh” in ti. Dudawtnak timi cu nuam tete in a thok thei mi tla a si. In duhdawttu neih hi ka duhbik mi a si. Asinan, keimah in cutluk ka duh fawn lo asinan hivek ih duhdawttu ngaingai ka nei fawn lo. Cun, keimah ih ka duhdawt mi le kumkhua in ka zawi ee vivo thei pei maw timi tla ka ruat lala. I duhdawt tuk ih ka duhdawt ve tu ngaingai cu tuini tiang ka thlir ve lai. Mah duhdawttu neih khal a tha famfim ngaingai in ka thei fawn lo.

Note: Hmun dangdang ta lawrkhawm a si.

(Visited 48 times, 1 visits today)

Comments

comments

3 Comments

  1. vanneizing says:

    a si ngai,in duhdawt tu neih khal len famkim lo nak a nei thotho. Jesuh tel lo cun ziang kim hi a famkim thei lo.bulpak, innsang, venghnen, khawhran, khuihmun khal ah.Jesuh duhdawtnak lawng a famkim a si. Cui duhdawtnak tling ra suak mi cu minung ih rel tling thei a si hrimhrim lo.

  2. duhdawt tu says:

    na thiam nasa… Pahnih ten duh aw tuk in ziang kim theithiam ngaisak aw veve seh la a tha bik inn sungsang nuam a si thei ding

  3. Mah duh dawt tu neih cu a tha……asinan kan thin nuam thei dg in cun kan mah ih duh mi neih kha a tha in ka ruat…….zg ah ti le ,in duh dawt tu cu a duh dawt nak ruang ah kan zang fah,,,,,,nan kan thin a nuam thei lo………………………….

Comments

%d bloggers like this: