Duhdawtnak Taktak

Duhdawtnak Taktak

Siar: 1John 3:16-24

Kan duhdawt awknak cu ttongkam le awkaa men lawng si ding a si lo; duhdawtnak taktak cu ttuannak ah a lang dingmi a si. – 1John 3:18

Veikhatkhat ka zung sungih ka luh tikah rin lopi in ka cabuai parah laksawng ka hmu ttheu. Kan dung naite reituk hlanih ka ngahmi cu Nicia pangpar zuk a cuangmi khuat-hai, ka hnattuanpi nu ih i pekmi a si. Dawr pakhat ah a hmu ih kan nu lungawiter dingah ruahsan in a lei ih thapeknak ca thawn a taanta. Cuih laksawng kan nu ka pek cu a lungawizet.

Himi nu in ka nupi a theihnak vial in a um men thei ih midang hnenah tla a tthatnak pawl rel in a um thei ko. Sihmansehla, cuti ih kaa lawngih duhdawtnak cu ttuannak a telmi a taktak ih thapeknak thawn cu a danglamzet.

1John 3:18 sungah, John in mi harsa kan hmuh tikah ziang kan tuah ding timi in sim. Mi parah zaangfah thinpemnak nei ding in forh: “ttongkam lawngin si loin tuahsernak langter in kan duhdawt pei” a ti. Hnattuan ding ttulzetmi kan hmuh tikah meeting tuah ih a thuhla rel ding a ttha ko; asinan cumi hrangah pakhatkhat tuah lohli a ttha sawn. Bible in hiti’n in sim; “A thu kan thei takah a tawk ko ti men loin, nan theihmi kha tuahsuak tum uh” a ti (James 1:22).

Thlarau Thianghlim hnenah, Jesuh hmin in mi pakhatkhat bom duhnak thinlung na neih theinak dingah dil aw. Cule cumi cu atak in tuahsuak tum aw. Tuni ah mi pakhatkhat parah thil danglam tuah aw. Christmas cibainak card na kuat thei. Culole Christmas laksawng tla na kuat thei. Thapeknak ca tla na kuat thei. Asilole lamleengpi aw. Thinlung takin thuruah in a simmi ngaisak aw. Tuahnak langter ih duhdawtnak cu duhdawtnak taktak a si.

Mipakhatkhat ih tuarmi ka hmuh asile Bawipa,

A hrang thil ttha tuahsak ding le hnem thei ding i bawm aw;

Mi zawnruahnak lungthin i neihter hram,

Na duhdawtnak maksak ka thinlung sungah luang seh!

Zawnruahnak cu duhdawtnak ih hnattuan a si.

Comments

comments

Comments

%d bloggers like this: