Duhdawtnak In Rinhmainak A Nei Lo

January 28
Zarhte Ni

Duhdawtnak In Rinhmainak A Nei Lo

Fiang tein ka lo sim: zokhal sisehla a thinlung sungah rinhmainak nei loin a sim vekin a cang tengteng ding tiah a zumfek ahcun, “Hih tlang hi thawn awla tifinriat sungah va tla aw,” a ti khalle tuah sak a si ding.
– Marka 11:23

Bible Siar Ding: James 1:2-15

Fala le tlangval a duh aw mi thuhla na thinlung in vun suangtuah hnik. Caan tawite sungah pakhat le pakhat lakkarah a nasazetmi duhdawtnak an nei awton. Duhdawtnak ih thinlung muril hi ziang a si pei? Cumi cu rinnak ih thinlung a si. Rinnak le duhdawtnak cu unau an si. Tah daan ah fala le tlangval karlak ih an duhdawt awknak cu an dik veve. Pakhat cu Saklam ah a feh dingih a dang pakhat cu thlanglam ah a feh ding, sikhalsehla an duhdawtnak ruangah pakhat le pakhat parah rin-umnak an nei veve ding.

Cumi cu kan Bawipa Jesuh parih duhdawtnak kan neihmi thawn sinak a bang aw a si. HIh nuntharnak sungah Pathian in in hruai lut, ih Paul in hiti’n in sim: “Ka u le ka nau tla nanmah ih thuhla khal ahhin cuvek tthiamtthiam in a si. Daan thu ka rel a si ahcun nannih cu Khrih ruangpum ih taksa tthen nan si zo ruangah a thimi nan si. Asinan atu ahcun Pathian hrangah rah ttha nan rah theinak dingah thihnak ihsin thawhter saal a simi pa ih taa nan si (Rom 7:14). Pathian in a famkimmi duhdawtnak le rinnak hmun ah in hruai thleng zo. Pathian sungih hrintharnak a neitu cun Bawipa Jesuh ah rin-umnak a nei ih thianhlim lonak sung ihsin a hnukdawk aw a si. Nupi le pasal pakhat le pakhat karlak ah a thianghlimmi duhdawtnak thawn rin-umzet ih an um vekin an lakah thudik lo a leeng thei lo. Cuvek in Jesuh a duhdawtu cu nun thianghlim in an nung a si.

Kan thinlung sungah rinhmainak a um thei lo. A Ttongkam kan siar le kan zum vekin Amah cu kan parah zaangfahnak thawn a khat ih A nun rocotu ah in tuah . Bawipa cu moneitu a si ih kannih cu mo kan si. A Ttongkam cu kan hrangah nunnak a si (John 6:63), kan nunnak in thlengh, tisa daan a hlon ih vanlam daan thawn in thuam.

Pathian duhdawtnak cu leitlun duhdawtnak thawn tahtthim theih a si lo. Pathian ih Thlarau hnen ihsin phuanlangnak kan co a ttul. Pathian ih duhdawtnak in kan hrangah Jesuh a runter ih cuih duhdawtnak thotho in zumtu ah in canter. Nan ttonttaihnak kip ah Bawipa cu na cahnak a si ding. A tonghthamnak na ttul. A lo duhdawt timi ciing ringring aw. Bawmtu nei loin na um caan ah, zaangfahnak ih khat Pathian zoh aw, Amah cu duhdawtnak a si, na ttulmi nunnak, cahnak le huham a lo pe ding.

Jesuh thawn thinlung takin pawlkomnak kan neih ahcun kan zumnak cu a ttumsuk thei lo ding.

@ Smith Wigglesworth

(Visited 27 times, 1 visits today)

Comments

comments

Comments

%d bloggers like this: