Duhdawtnak cu Tuartu hrangah

July 14

Tlawngkai Nihnih

 

 

 

Siar:

1 Korin 13

 

Atu ahcun a hmun ringringmi thil pathum an um ih zumnak, ruahsannak le duhdawtnak an si; himi lakah a tumbikmi cu duhdawtnak a si.            -1 Korin13:13

 

Kumkhat Sung Baibal:

–   Saam 10-12

–   Tirhthlah 19:1-20

 

A hrukmi aangki T-Shirt ihsin mi pakhat ih thu na thei thei. Tleirawl pakhat cu “Duhdawtnak cu a sungtu pawl hrangah a si,” tiin ca nganmi T-Shirt aangki senzet a hruk. Mi thinlung tthangharh ternak maw, pehzom awknak siat in thinnat tuartu a si pei maw tiah a T-Shirt hrukmi in i ruatter.

 

Duhdawtnak cu a sungtu pawl hrangah a si maw? Thu um daan cu mi pakhat kan duhzet tikah a hrangah ziang tuah sak ding khal kan ngam. Milai cun kan thin in naater, in riahsiatter, in taanta thei. Duhdawtnak cun tuarnak ah in hruai thei.

 

Bible in midang duhdawt ding in sawmngiar. 1 Korin 13 sungah Paul in kan nunpi dingmi Pathian ih duhdawtnak a taarlang. “Duhdawtnak cun ziangkim a tuar thei,  ziangkim a zum, ziangkim a beisei,” (c.7) a ti. Vanlam duhdawtnak cun thinnatnak a tuar thei ih ziangtik hman ih ziamral thei lomi Pa Pathian ih kilvennaklam ah catbaang loin in hruai.

 

Curuangah duhdawtnak cu a tuarnaatu pawl hrangah a si thei men, ziangahtile Pathian kan ttulbik caan cu kan tuarnat caan le riahsiat caan a si. Harsazet in kan tal-buai hman ah duhdawtnak cu a pelhsolh dah lo ti kan thei.

 

Pathian ih duhdawtnak cu pelhsolh a nei dah lo,

A tthatuk, a thiangtuk, a diktuk;

Cuih duhdawtnak parih a leengtu cun,

An tuahmi kip ah duhdawtnak an langter.

 

Pathian ih duhdawntak cu ziangtik hmanah a pelhsolh dah lo.

(Visited 24 times, 1 visits today)

Comments

comments

Comments

%d bloggers like this: