Duhdaw Aw Dingin Thupek

September 9

Tlawngkai Nili 

Duhdaw Aw Dingin Thupek 

Siar:

1 Johan 3:16-24 

Thu in pekmi cu Khrih ih thupekmi bangtuk in, A Fapa Jesuh Khrih kan zum ih pakhat le pakhat kan duhdawt awknak ding kha a si.            -1 Johan 3:23 

Kumkhat Sung Baibal:

–   Thufim 6-7

–   2 Korin. 2 

A upa zomi faale pawl ih ttuanvo daithlan ruangah Singapore ram ih nutar le patar pawl cu farah bomnak pawlkom le acozah hnen ihsin sumpai bomnak hawl an ttul.  Bawi pakhat in, “Duhdawtnak upadi kan tuah thei lo,” tiah a ti.      

Bible in, “Bawipa nan Pathian ih thukham, tuihsun ih ka lo pekmi hi, nan thlun ih Amah nan duhdawt, A thu nan ngai ih A Daan nan tuah a si ahcun nan tthangso dingih miphun tumzet ah nan cang ding” (Daan. 30:16a) a ti. Jesuh in, “Bawipa nan Pathian cu  nan thinlung zate, nan nunnak zate, nan ruahnak zate le nan thazaang zate thawn nan duhdawt pei,” (Marka 12:30) a ti.        

Duhdaw aw dingin Pathian in ziangti’n thu a pek thei? Kalvari thinglamtah parih a langtermi, a tumzetmi a duhdawtnak ruangah thupek theinak thuneihnak a nei. Johan in, “Duhdawtnak taktak cu ziang bangtuk a si ti kan theih theinak cu hiti’n a si: Khrih in kan hrangah a nunnak a pek….Thu in pekmi cu … pakhat le pakhat kan duhdawt awknak ding kha a si” (1Johan 3:16, 23).        

Duhdawtnak langter dingin Pathian ih thupek ngai le thlun dingah ziangvek caan ttha na nei? An ttulsammi pek le fingkhawinak in na nu le na pa upat maw? A dam lomi rualpi tuamhlawm maw? Duh ding har pawl ttong neem in biak maw?      

Bawipa, kan hrangah na nunnak na pek ruangah midang hnenah duhdawtnak langter dingin in bawm aw.    – C. P. Hia

 Duhdawtnak cu lungput a si, duhdawtnak cu thlacam a si,

Riahsia mi le, beidong mi thinlung hrangah;

Duhdawtnak cu midang hlawknak duhsaknak a si,

Duhdawtnak cun a unau ih sual ruangah a tuar ttheu. – Anon. 

Pakhat le pakhat kan duhdawt awk tikah,

Pathian kan duhdawtnak kan langter.

Comments

comments

Comments

%d bloggers like this: