Duh I Zulh Hram – by Mai Khuaitizu

Duh I Zulh Hram

Duh lomi duh
Uar lomi uar
Ngai lomi ngai
Mawi lomi mawi ti ka hmanglo.

Duh le duh
Uar le uar
Ngai le ngai
Mawi le mawi , cuti’n lungtak si mi lawng sim ka hmang.

A thaw lomi rawl, a thaw tin’ ka tilo ding
A thlum lomi khal a thlum ka tilo ding
Anmah le si ning te’h sim ka duh
Ka luan tuk pang maw?

Duhnak cu a mit a caw an ti
Hmanseh duhnak ah ka mit ka cawter sianglo
Ziangah tile ka mitthli tlatertu a si thei
Ziangtin’ na ruat ve?

A har lo, lungtak bia sim
Pawnleng ankaa in ka duh tawk nawn lo
Duh-ham i ti siang hram hlah
Na par tlanngahtu si ka duh sawn ruangah a si.

Ka lung luahkhattu na si kha hngilh hlah
Ka duhdan ka lo sim hi ka lo uk duh ruangah a si lo
Na lungthin tak hi khuaitizu vekin

A thlumnak tep ngahtu si ka duh ruangah a si
Lungthin thianghlim ih ka nganmi na hmuh ve le

ka DUH I ZULH HRAM!

By/ Mai Khuaitizu

(Visited 42 times, 1 visits today)

Comments

comments

Comments

%d bloggers like this: