Dudus hawlnak ah mi (60) an thi zo

Dudus hawlnak ah mi (60) an thi zo

Jamaica acozah ralkap le palik pawl cun an ram sungih ‘ritnak si tuahtu le ram dang (ahleice-in US ah) ih phurlut ringringtu Christopher Dudus Coke an hawlnak ah mi (60) lai an thi zo tiah ‘Kingston’ khawpi sizung hnatuantu pawl cun an sim.

Jamaica palik pawl cun ‘Coke’ cu kan dung zarh ihsin a cangvaih dan pawl an rak thei zo ih, May 24, 2010 ihsin a umnak ‘Tivoli garden’ cu ralkap pawlin an kulh.

Asinan mipi um tamnak a si ruangah thihnak tuartu tam sawn cu khaw sung mi (nauhak telin) an si. Prime minister Bruce Golding cun ‘State of Emergency’ a phuang. Palik pawl cun mithi um zat cu (27) hrawng lawng an si’ an ti na’n mit ih a hmutu pawl cun ‘ruak phurtu truck pathum’ a khat thluh tiah an ti. – AFP

(Visited 37 times, 1 visits today)

Comments

comments

Comments

%d bloggers like this: