Dubai ah Taj Mahal Thar Sak Ding

Dubai hmun lailinak hmun ah India ram ih Taj Mahal vekin Taj Mahal thar an sak ve dingih neihawknak innpi ah hman a si ding. India ih original Taj Mahal kha Mughal lalpa Shah Jahan in anupi Mam Taj Mal thlan hrangah kum 22 lenglo sung lungvar thawn a rak sak mi a si.

Kum 360 lenglo rei, leitlun thlaan ropi a si. Asinan, tui Dubai ih an sah tum mi cu kum 2 sungah an ṭhehsuak tum. Dubai Taj Mahal thar saknak ding hrangah 767 million-euro lenglo ret cia a si. Dubai ah mopuai hmannak innpi hminthang a um lo ruangah tui Taj Mahal thar hin leitlun minung siarcawklo a ko ding tiah tawlreltupawl cun an sim.

Taj Mahal thar cu Taj Arabia tiah kawh a si ding ih five-star khualbuk bangin room 300 lenglo a um ding. Cuihlei ah neiawknak innpi hrang tuah ding hleice asivekin ihnak khan hleice in 10 lenglo tumzet ih tuah ding si bet ding.

(Visited 149 times, 1 visits today)

Comments

comments

Comments

%d bloggers like this: