Dr. Thian Nun Piang Tonsuhnak

14725508_713672015455938_1488538357990047185_n

CT-Ahmaisa bikah hivek thusuh nak can in pek ruangah lungawi thu kan lo sim
NTP-Kei khal lungawi

CT- 1: Na hmin, na nu le pa hmin, suah nak khua in sim pei maw?
TNP-1: Ka hmin cu THIAN NUN PIANG a si. Ka nu le ka pa cu Nu Leng Rem le Pa Lian Thang asiih ka nu cu in dampi lai ih ka pa cu April 21, 216 ah Pathian hnenah in fehsan zo. U nau pa 6 kan um ih mipa upa bik ka si. Laitlang ka suahkheknak khau cu Falam peng Phaizawl asi.

CT-2: Na innsang thu, tuih na umnak le nattuan in sim thei pei maw?
TNP-2: Ka innsang nu cu Pu Za Kulh Luai le Pi Sui Cung te fanu upabik LAI REM MAWI a siih Pathian thlawsuah fapa pahnih Za Lian Piang@ Edte le Zaam Lian Piang@zamte kan nei. Atu hi ka Ph.D dissertation cabu ngan rero lai.ka umnak cu Springfield, Missouri State. USA ah ka um.

CT-3:Na tlawngkai nak le degree na ngah zo mi pawl in sim thei pei maw?
TNP-3: Kalaymyo No.2 High School in phun hra ( 10th) ka ong. Kalay college ( Tuah cun kalay university ) ah tlawg kai ka peh. Asia Pacific Theological Seminary, Baguio city-Philippine ah “Master of Biblical Language”, le Seoul Methodist University- Korea ( ah “Master of Christian Education” le Wesley Theological Seminary, Washington DC-USA ihsin “Doctor of Ministry” pawl cu Pathian zangfah nak in ka zirsuak. Himi pawl ka zirsuak theh hnuah kum 2012 ah Ph.D ( in ICS) cu Boston University, Massachusetts State-USA ah ka zir thawk. Course work a hrek hrawng ka theh hnuah Evangel University, Springfield, MO ah tlawng ka thawn ( transfer). Atu hi Ph.D Course work ka theh zo hnuah ka dissertation hrangah research/cabu ka ngan rero lai. Pathian remruat in ka tluang ahcun 2018 ah ṭheh thei dingin thla ka cam rero.

CT-4: Dissertation ( Cabu) hrangah ziang thu lam research na tuah/ na ngan ?
TNP-4: Ziangtin nauhak pawl in thinlung, taksa le thlarau an pathum bangrep ten an tthanso thei ding ti lam hi research ka tuah bik mi a si.

CT-5: Child Psychology ( Nahau thinlung khauruahnak ) lam hi na thinlung a la ( interest) zet tin ka lo thei ih ziang ruang ah nauhak lam hi na thinlung a lak le a thupi nak mallai in hlawm thei pei maw?
TNP-5: Pakhat nak ah tu research ka tuah rero mi pawl hi kan Chin mi pawl in kan ttul zet mi pakhat a si tin ka hmu. Laimi kan fate pawl hi an taksa le thluak fimthiam nak lam cu an ttanglian ih an tawk pam ko nan an thinlung khauruah nak ( psycho) lam hi an tlasam zet tin ka hmu. Nauhak pakhat in thinlung, taksa le thlarau an ttanglian theinak ding ah nau hak lai caan ( Kum 4-14 ) kum 15 an kim hlan sung hi a thupi zet. Mipa maw nunau ka si ti an thleidan thei thawk ihsin an fala/tlangval (adolescent) hlan te sung ih an hrangah cu a thupi hleice. Himi caan sung te hi nauhak pakhat hrang ah cun hmailam a nunkhuasaknak ding hrang ah nunhrampi (life’s foundation) a si

CT-.6: Sunday school (CE) le nauhak lam hi ziangruang bik ah na thinlung ah na vei?
TNP-6: Sunday school ( CE) cu kawhhran ttangso nak ding hrangah a hrampi ( foundation) a si . Kan fate pawl hi nu le pa hrangah kan hmailam ruahsan nak tumbik an si. Kan fate pawl Santiluan tipi sungah an pil lo nak dingah Pathian thu sungah thanglian ter kan tul. Kan fate pawl cu mah le innsungsang le kawhhran cio ah Pathian thu thawn kan fingkhawi a tul.

CT-7: Kan Chin tong cabu na ngan mi na nei maw?
TNP-7. Ka Chin tong in cabu buhnih ka ngan. “ Nauhak le thinlung khuaruahnak” le “ Nu le Pa kutken” timi ka ngan. Tuikum sung 2016 a reihlah ah a suak ding. Ka Facebook ih ka nganmi thu tam nawn cu cabu ah ka suah sal. Atu khal caan ka neih tikah cahram thar tawkfang ka facebook ah ka ngan rero . A hlan deuh ahcun ca ka ngan tuk lo. Asinain kum 2015 Ka tlawngca ka theh ihsin thokin cahram ka ngan thok. Hmailam khalah cahram tam pipi ngan in cabu tampi suah thei ding hi ka saduh thah cu a si. Ka canganmi tam sawn cu Nauhak lam thu le innsungsang thu lam deuh a si.

CT -8 : Laimi Kawhhran hmun tampi ah na tlawng rero zo tin kan lo thei. Na khual tlawngnak ah ziangmi thulam na zirh tambik ?
NTP-8. Pathian zangfahnak in USA ramsung ih um kawlram mi pawl khawmnak kawhhran 50 lai ka tlawng zo. Cumi sungah Hakha speaking church, Burmese speaking church, Falam speaking church, Mizo le Tedim speaking church pawl an si. A thupi bik in ka zirh mi cu “ Sunday Teacher’s Training le “ Parenting seminar timi Nu le Pa zirnak pawl an si. Cule “ Deacon’s training” Kawhhran upa pawl zirnak khal ka zirh phahphah theu.

CT-9 Na tlawngkai nak ah harsat nak na ton mi tivek a um maw?
TNP-9. Harsatnak ka ton mi te te cu a um phah phah ko. Cui harsatnak pawl in 1. Pathian thawn in naihthertu a si. 2. Nun in zirhtu a si. 3. Leitlun thlirdan (worldview) in thiam tertu a si. 4. Harsatnak ka ton/ka tuar tikah ka hinlung khawruahnak in cak ter (Difficulties strengthen the mind).

CT-10. Kan tul mi zet tin ka ruatmi pakhat:
TNP- 10. A thleng aw rero mi leilungpi sungah kan um ruangah kan thlengh awk ve a tul. Kan thlengh awk thei nak dingah a hmaisa bik ah thlengh awk duhnak thinlung kan nei hmaisa a tul. Kan khuaruah dan ( thinking), Lungput kannei dan ( mind set) le leitlun kan thlirdan ( world view) pawl hi kan umnak hmun , khua le ram zirin ( santiluan) thlengh kan tul a si.

CT-11. Nu le pa le ca siartu pawl na cah duh mi
TNP-11. Fate pawl hi sumtuahnak ding hmun tha bik a si. Curuangah kan fate pawl hrangah na sumsaw, na caan le thlacam nak thawn investment tuah cio uh si ti mi cah ka duh. Cule Sunday school (CE) hi department pakhat vek men in ruat loin thlarauhlo kainak hmun ( Mission field) thupi zet pakhat asi ti khal cah ka duh.

CT-12. Nauhak hmaiton thusuhnak ( interview) na tuah nak ah na hmuhton mi pawl in sim thei pei maw?
TNP-12. Nauhak ( Kawlrammi) 400 lai hmaiton thu suh nak ka hmuton mi pakhat cu kan fate pawl tampi cu thinlung khuaruahnak lam an dam lo. Thinlung lam natnak ih pianhmang ( sings) pawl cu 1.Mah le mah zum ngam aw lo nak ( lack of self- confidence) 2. Ningzak/tihhrut nak (shy. ) 3. Mah le mahh duh awk lo nak 4. Nu le pa angtai duhnak 5. Rualpi kom duh lo nak 6.Mithmai thimnak ring ring 7. Thanau/ sickpiat nak pawl an si.

CT-13 Christian Educación ( CE )kan ti mi cu ziang a si?

TNP -13: CE ti mi cu Nauhak zirnak ( Sunday school) tinak lawng a si lo. Nu Pa karlak pehtlaih awk dan, Nu le pa le fate lehtlaih awk dan , Fate pawl kilkhawidan le Bible in zirh mi Zumtu pawl ih nuntu kawsak dan ( Christian life) ah zirh a thupi tuk tin ka hmu.

CT- 14: Chinmi hrangah teh ziangtin hmalak na tum?
TNP-14: Ka thei tawkin hmailam-ah Chinram siseh ramsung ram leng ih tlawngkai duh hrangah (Seminar) tuah sak vivo ka tum, Cu le (Conseling Center) tuah ka beisei, Kan Chinmi faate,mino ramsung um pawl USA ah (University) kai thei nak ding hlawsak ka tum.

CT -15.Mipi kan theihtul mi ih na ruah bikmi,Most important for me.
TNP -15:Biakinn le khawlengah Pathian hnatuannak ka hlawhtling zet nan ka innsangah Pathian hna ka ttuannak ka hlawhtling lo hnak cun ka innsangah ka nupi, ka faate pawl hnenah Pathian hna ka ttuan nak hlawhtling ih Biakinn le khawlengah Pathian hna ka tuannak hlawhtling lo kha ka hril sawn. Ka hrangah cun, ka innsang, ka kawhhran le ka Sunday school nauhak pawl hi Pathian in pek mi ka mission hnattuannak ding hmun thupi bik a si.
CT-16:Mission na hmuhdan?
TNP-16: Thleunak a um lo nak hmun le ram.Curuangah na innsangah tleunak a um hrih lo a si ah cun na innsang cu nangmah hrangah na misión field a si. ka fate pawl thinlungsungah tleunak a um hrih lo a si ah cun ka fate pawl cu keimah hrangah ka ramthim tuannak ding hmun (Misión Field) tumbik a rak si. Kan innsang ah thleunak a um lo asiah cun ka innsang cu keimah hrangah ka mission field a siNa um nak address le contact number in sim thei pei maw?
CT-17: Na umnak Address le contact number in sim thei pei maw?
TNP-17: Sim thei ee. 1645.West Walnut Lawn St. 313. Springfield MO 65807 Phone: 617-610-1704 Email: tnpiang@gmail.com

CT-18 : Na manlo le na tlawngkai nak siseh na hnatuannak caan ol neilo lai caan ih thusuh nak in san ruangah kan lungawi, Chinmi hrangah siseh, Pathian ram karhzai ter tu ah Pathian lo hmang vivo hram seh.
NTP-18: Hi vek thusuh nak in nei hi ka lungawi tuk, Pathian rem a ti le mipi theihtul mi ngan le sim vivo ka tum ding, Nan nih khalin thlacam nak thawn in ram mang hram dingin zangfah ka lo dil hai.. Lungawi..Thian Nun Piang Phaizawl.

Interview tuahtu- Lal Eng Zau

Comments

comments

Comments

%d bloggers like this: