Burma Ram Feh Dan Ding Part 36

Delhi ah Seminar Kan Nei


Kan dung zarh Friday (31-8-12 ) ah khan Delhi i Vikaspuri Bodella veng i Zomi hall ah Chin Refugee Committee hoha nak in seminar kan nei i,a thupi cu Federalism ti a si.Hitawk ah keimah cu thu sim tu ah in sawm i,kei mah lawng ka si ruang ah tickcu tla ka ngah zet.A peh peh in nazi 2 le a hrek thu ka sim ..Tum khat i thu ka sim rei bik tum a si ding.A ngai tu cu mi 25 hrawng lawng an si nan thu thei duh pawl an si ruang ah sim tla a nuam zet.Hitawk i ka sim mi pawl hi a tawi zawng in cahram ngan vek in run ngan sal seh la.

Leitlun i independent ram pawl i democracy si pawl ah a cozah kaihhruai dan hi a phun phun a um i,cu tawk i a sang bik cu confederation ti a si i,a si nan a tak tak ah cun confederation i kaihruai aw ram hi tu ah cun an um nawn lo.United Kingdom ah Scotland pawl in independence lak an tum i,an lak thei ah cun a tir ah cun confederation in an feh thei men.

Cule federal ti khal ah a phun phun a um la la.Federal i tha tei feh thei ding cun democracy ngai ngai cu an si phawt a tul.A si nan USA,Canada, Switzerland le India ram i federal system pawl hi pakhat hman an bang aw lo.Ram hrak khat ah state pawl in thu an nei zet nan a hrek ah cun cutluk in an nei lo.

Ram hotu lu bik thu khal ah a hrek cun President i homi republic in an feh i,a hrek cun parliamentary democracy in an feh.Parliamentary khal ah phun 2 tal cu a um leh.Pakhat sawn cu constitutional monarchy a si i,hemi ram pawl  khal ah pakhat le pakhat an bang aw cuang lo.United Kingdom le Japan vek hi phun khat an si ding i,hi nah hin an lal pawl hin thu neih nak ziang hman an nei lo.A si nan Jordan,Morocco ti vek ah cun mipi i hril parliamentary system in an feh nan an lal ( king ) pawl hin thu an nei zet lai.

Presidential system khal ah phun 2 hnak i tam in an um ding.France ram ah cun an president cu mipi in direct in an hril nan,president in a mah bom tu ding ah prime minister a hril bet.USA ah cun President hi mipi ( electoral college ) in  a hril i,prime minister cu an nei lo.

A tlun i ka sim mi pawl hi a tlang pi in a si i,cu le pakhat ka sim fiang nan in suh leh tho tho mi cu Mizoram ah khin state a cozah i kut hnuai ah Mizoram Armed Police tiin Mizo police 5000 tlun an nei i,Mizo a cozah hin hemi pawl hmang in central dovin independence an la thei ke maw an ti.

Ka sim dan ah cun Mizoram ram ah Mizo police tlun ah Central Reserve Police tiin central aiawh i um Police 4000 lai an ujm i,cui tlun ah army ralkap 4000 hnak i mal lo an um ring ring.Cule Mizoram khal ah central intelligence agency pawl hi 3 hnak i mal lo an um ring ring i,central do an tum a  si ah cun central aiawh pawl hin vawi leh khat ah an do mai ding i,state cu a tal man lo ding.ka ti.

Cui tluna ah India ah President le state Governor pawl hin thu an nei tam lo nan rampi le state ah a cozah form thei lo khawp i mipi aiawh pawl an darh thluh ah cun President le governor pawl hi an thupi zet ti tla ka sim.

%d bloggers like this: