Burma Ram Feh Dan Ding Part 110

Saya Van Kyi Kan Neih Lai Kan Van a Tha Tuk !
 
Kan dung June thla ih Shimla khua ih ka um lai ah India central Govt. ah cabinet minister lak betnak an nei ih cu tawk ih ka thinlung i tham  zettu pakhat cu Central acozah ih minister tuan ding in kum 84 mi an lak luh kha a si.Cumi ve ten thu ka ruat ciam co.
 
Tuhlanah khal ah thu ka rak ruat ring ring ih democracy lamih kan feh ngai ngai ah cun kan Lai ram tithangso ding ah kan hotu hlun pawl ih bomnak kan la ding ka rat ti theu.Cumi lak ah Pu Lal Bik le Pu Sum Mang pawl an tel.Pu Lal Bik cun in thihsan zo.Pu Sum Mang cu tu tla ah mi pakhat cun zothim tlak bik ding ah nominate a tuah.Lungawi a um zet.
 
Hna kan tuan pi ding ah Pu Sum Mang cu a upa tuk thlang.Tu-ah kum 92 tal cu a si ding.Cunah cun ka hahiau zet nan anih cun Falam le Laithlang thanso nakah active zet cun in bom thei nawn lo ding.A si nan,Saya Van Kyi teh ti in ka rak ruat theu ih,a nih khal a  upa tuk maw ka rak ti theu.Tui tum ih kum 84 mi ih India central a cozah ih minister ih an lak ka theih cun Saya Van Kyi cu kan hmang thei lai ding ti ka thei ih ka lung a awi tuk.Kan officer hlun dang,Pu Ngun Luai,Pu Ral Lian Sum le Lungbang suak officer upa dang  tla kan nei lai ih ka hna a ngam koTui Delhi ih um,kum 83 ih upa Pu Tial Khal tla politic colh san a um lam lam hrih lo.!.
 
Saya Van Kyi hi 1930 hrawng ih Locom khau ih suak a si ih,Burma independence a hmuh tikah kum 18 mi a si zo.Tlawng khal tha ten a rak kai.Independence ngah hnu kum 10 sung hrawng cu Mirang pawl ih tidantha pawl an runti lai ih cumi hmuah hmuah khal Saya Van Kyi cun a thei ih a pal thlang thluh.Cui tlun ah Rangoon university a that laiah degree a rak ngah ih cui tlun ah England tla ah ca zir in kan ram khal ah education dept. ah state level ih officer sang bik tiang a rak tuan zo.
 
Cui ruang ah,Falam ,Falam peng,Laimi pawl hmun le ram thansonak kan tuah nak ding ah tu ih kum 83 mi si lai Sayagyi hi a dam that tla cun kum 7 lai kan hmang thei lai ding.Falam thansonak ding ih ramdang ih si nan run kuat mi sum hmuahhmuah tla kan kil tir ding ih tha zet,him zet  le dik zet ih in kil sak ih tlun ah sum thawh tu pawl khal nan ngaih a tha ding.Development khal ah idea tam pi in pe thei ding.
 
Falam Museum Kan Tuah Ding
Kan dung ah Falam khua hmun ram  a tha ko ti ka ngan ih,cui ruang ah khui tawk ah maw feet 100 le feet 100 ih kau hmun kan lai ding ih,cunah cun 30 feet by 30 feet,tuah 3 in museum kan sak ding.Cu vek tho tho in a kiang ah library kan tuah ding.
Museum ah cun khan ( room ) khat ah Rihli zuk,thlalang ih khuh,tidai vek tla um,mawi zet in kan tuah ding.Cule kan Lairam  rak uk tu hmuah hmuah ih photo le an bio. tawi te English,Burmese le Lai tong in kan ngan ding.Vuantumawng,Za Hre Lian,Sawn Khaw Lian,Kap Cung Nung an tel thluh ding.
 
Kan Chin state ih hminthang bulpak thuhla maw ram thuhla vek  tla a tel thluh ding.Hrang Thio le Con Bik pawl ih zuk,an thuanthu,an thla zuk tivek tla.Hi Falam museum le library hi kum 2020 ( 7 year plan ) ih theh thei kan tum ding.

 

%d bloggers like this: