Burma Ram Feh Dan Ding Volumn II Part I

Falam Hotel Kan Sakdan  Ding Pawl

Burma Ram Feh Dan Ding hi Part 114 cu ka titawp ding ih cauk in kan tuah ding kan ti zo.Part 110 lai ah khan USA ih ka nau Kei Bawi in tawp thlang aw la,na duh le hmin dang in ngan leh aw i run ti.Cun tu ah i duhsak zet tu Pu Fung Dun,USA,in Part 114 tiang cu ca-uk pakhat ah nan tuah kei, a dang khal Burma Ram Feh Dan Ding tiin ngan tho tho aw la,ca-uk tuah leh thei le thei lo cu thu dang siseh la a ti ih,ka nau hnak ih upa deuh cu Pu Fung ih thu thlun in tu ah kan run thok leh a si hi.A si nan a hlan vek cun can khal ka pe thei lo ding ih,cui tlun ah ngan ding khal a tam lem lo tla a si men ding ih,ngan ding a um le run ngan ah kan ti ke cu.
Tui tum cu Norway  rori ihsi  Falam run ruat tu Saya Sui Lian Mang ih Falam ah hotel tha zam rang zet in ka tuah a tul timi kha sau deuh in run bet sehla. Falam ah hotel planning hi hitin tuah bang sehla, A hmaisa bik ah 6 months planning or 1 year plan in tui inn umcia pakhat khat,hotel in thleng ding in tuah sehla.Cumi ah cun double room 3 le single room 3 um sehla.Double room pawl cu bath room attach a si ding ih,singla room pawl hrang ah toilet 1 le bath room pakhat an hlawlaw kei.Hotel te a si ding ih,restaurent a  um lo ding.Einak ding cu leng lam ah an hawl ding.Himisak nak ding khal ah thilawlai cu a si lem lo.Lenglam ihsi nan bom a tul ding.Thuthimnak ah $2000 tal bom thei sehla.Rih Falam zin laihnak ah $ 33,000 lai nan bom a si ha.Kei khal in $ 50 cu ka thawh ve ding.Saya Sui ih ti dan vek hi thianghlimnak lam ah cun tha zet ih an kil khawi mai a tul ding.A thimnak ah bedsheet pawl tla cu a luahtu an thleng awk ve te in sawpsak cing cing a tul ding.Cule puan pawl khal nisa ah pho sak ring ring a tul ding.Hinah hin vawi leh khat ah mikhual 9 tla cu an riak thei mai ding.
Cule kan dung June thla sung ih Shimla ( Himachal Pradesh state ) ka tlawn nak ah Manali khua tla cu zinpi kap ih inn 3 ah 1 cu hotel an si mai.An khua ih income a lut mi ah tourism hi no.2 a si teng teng ding.A cozah sum sawh cu No. 1 a si kei.Sim duh mi cu tourism income hi agriculture, business, industry hnak hman in a tam ti nak a  si.Cuti vek in tuihnu kum 10 ah cun Falam khal ah tourism ih sin sum tam pi a lut leh ding.
Cule kan theih vek in Surbung airport ( airfield )te,mi 18 lai phur vanzam cu 2016 in tum thei sehla,cui tlun ah Falam cu Rih fehnak zinpi ih um a si ding ih.Haka leh thlanglam Laitlang ihsin siseh,Kalemyo le Monywa lam in siseh Rih leh Haka khawpi zohduh pawl cu Falam an feh tlang thlang ding.Cule ka ngan zo ih Falam ah museum tha zet tla kan tuah leh ding.
Awle,no. 2 hotel sak dan ding ah,Hihi thuthimnak ah Baptist biakinpi le OPD hlun karkak ah in hmun tha zet pakhat kan lai ding ih cunah sum nei pawl in thuah hnih hotel mawi zet nan sak ding.Himi ah double room 7 le single room 6 tla a um  ding.Vawi leh khat ah mi 20 an thleng thei ding.Meisa tih nak chimney ( Falam cu thlatang ih khua a sik ruang ah ) 1 tla kan tuah ding.Himi hotel mawi te hi kum 2016 i Surbung airport an theh ve tei on thei ding in kan tuah ding.Tiduhmi cu tui ihsin kum 3 ah kan ttheh a tul.
Cule No.3 stage hotel cu kum 2020 , (7 year planning ),maw ka ti theu mi Falam Target 2025,(12 year plannign) ah maw neih kan tum ding.Hihi cu 3 star hotel a si ding ih,compound tla a nei ding ih,compund ah pangpar hmuan tla a um ding ih,thuah 3 tal a si ding ih vawi leh khat ah mikhul 50 tiang thlen thei nak a si ding.Room 30 maw a nei ding.Car parking a um ding.Himi hi Vankau lam ah maw Biakinnpi  ihsi peng hrek hrawng hlatnak ah a si ding,
Kan dung ih ka siar mi pakhat cu,Burma ram ah tourist pawl an lut ciamco ih,hotel room tla an ngah lo tawk a um theu.Hotel romm a nei mal tuk lai,Burma ram pumpi ah hotel room 40,000 an nei hrih lo ih,culai ah Thailand khawpi Bangkok pakhat lawngah  hotel room 40,000 a nei a ti.
Kum 2025 ( tuihnu kum 12 ) ah Falam ah hotel room 100 tal  nei ding in kan zuam cio pei ti ka lo sawm duh a si e.
(Visited 98 times, 1 visits today)
%d bloggers like this: