Burma Ram Feh Dan Ding Part 99

Rangoon ih College Ka Rak Kai Lai Kha


1968 lam daih kha a si tlang.Khalai ih college kan rak kai dan a thei duh pawl hrang ah ka run ngan e.Kei kha Falam high school in 1968 kum ah phun 10 ka ong ih khami kum ah cun mi 7 lawng kan ong.Cule ka phun 10 on mark khan medical cu ka ban lovi,,dental college (ha sibawi ),RIT ( engineer college ) pawl cu ka ban thluh.A si nan ka nauhak lai ih si politic ih Laimi hrang ih hna tuan duh ka rak si ruang ah economic zir ding in Institute of Economic,Rangoon ah ka rak lut.

Ka kai kum ah kei cu khalai ih Laimi tlawngta pawl pi Chin Cultural and Literature sub committee executive committee hotu 12 lak ah ka tel mai.Laimi tlawngta pawl hrang ah theih tawk in hna ka tuan.

Cule 1969 kum tir ah Luyechhun (out-standing student )ah hril ka si.In hrl dan ka run ngan ding.Khami kum ih kan college first year ih lut cu mi 850 kan si.Cui sung ah cun phun 10 on nak mark sang bik mi 10 in hril.1st. yr. in mi 10, 2nd,year in 10, 3rd.10 le 4th.yr. in mi 10,mi 40 pawl kha knowledge test question paper pakhat in sang tir ih cui test ah cun  1st. ka hmu.Cu le cui hnu ah mi 3 in hril ih,cumi 3 lak  in kei cu in hril leh a si.Ca thiam ti zawng cun ka rual pa,Kway Min Thun,high school khalah luyechhun  tum 3 rak ngah tu,kan college khal ah leh hnu ah tum 3 run ngah tu cu a thiam law law.Kei cu knowledge ka theih ruang ah a si ka ngah thei,hihi ka knowledge ka sawr nak a vawi khat nak a  si.Mizoram ih thuthangca ka tuah thei kha a vawi hnihnak a si.

College ah cun 2nd.year ka theh ih,cui hnuah 3rd. year ah.Kan student union ah khan ka rak ruat theu ih,3rd, year ah secretary tuan seh la,final year ah cun cawl law law in master qualify ding in ca zoh seh la ka rak ti.A si nan ka 3rd.year kum tir ih tlawngta pawl kan hrilawk zik ah cun kan hotu pawl in secy. ah cun Mindat mi Sing Gee Gei hi kian aw,nan cuhawk ah cun na neh teng teng ding,a si nan nang cu 4th year ah na tuan thei lai a si si in ti.Sing Gee Gei cu engineer talwngta a si ih tu ah cun mual in liam san zo,ka hnak ih kum 5 ih upa a si.Si ee ka ti ih ka kian,cu le Asst. Secy. tuan in theih tawk in tlawngta pawl hrang ka tuan.

Cule final year  kan rung thleng.Final yr. ah cun kei cu cawl thlang in ca na pi in zuam seh la ka rak ti ruang ah kan hrilawk tik ah kei cu in ti uh hlah tiin minute 30 tlun ka el.Secy. tuan cing cun master qualify ding in ka thluak a tha tawk lo ti khal ka thei.

Hotu hriltu pawl hi,myone 6 ihsin mi 5 ciar,cui sun ah mi 33 lai kan kai.Cuih sun ih thusim hmuah hmuah Teddin khal,Haka khal in Run Bik ih in tuan sak a tul an ti thluh.Zo khal in in cuh duh lo.Ka el ciamco nan a tawp ah cun ka ttang thei lovi ka tuan sak.

Ka tuan kum ah  Rangoon ah college le university tlawngta 270 lai kan um.Inter college sports kan tuah.Laica Haka Falam Teddim tong zirnak kan tuah.Pre Chin National Day dinner tla University Christian Fellowship hall,Pyi Lan ah kan tuah ih Rangoon ih bawi upa milian hmuah hmuah an tel.Dr.May Yee,Pu Zahre Lian ih nupi thawn tla reipi kan be aw.Chin National  Day tla sung lawi zet in kan tuah.Picnic tla kan tuah.

Cule ka colleg first year laiah magazine kan rak tuah thei ih,ka secy. tuan lai ah magazin kan tuah teng teng ding ka ti ih,kum 2 tuah lo ih kan um hnu ah magazine tla kan run tuah thei.Hnatuan tam tuk ka kai thei lo ih magazine publiher ah ka Pu Za Hlei Thang ( tui doctor rung tuan ) in a ca zir hmuah siat suah thluh in in tuan sak.Ka tuan kum ah Chin le state dang ih tlawngta pawl thawn  tuan tlan ding pawl tla kan tuan.Education Dy. Minister Dr.Nyi Ngi,ca thiam zet thawn tla meeting kan tuah.

Ka 1st. yr. kai lai ih kan secy. cu Vety doctor rung tuan Hrang Tar  a si ih,ka 2nd. yr. ah leh hnu ih motor accident ih in thihsan tu Dr.Hoi Sang ( Lumbang mi ) a si ih,ka 3rd. yr. ah Sing Gee Gei a si.Stuent unon chairman hi college saya a si teng teng a tul ruang ah kei ka tuan kum ah Pu Hau Go in a tuan.

Cuti cun tlawnga pawl hrang ih thei tawk ka rak tuan ve ruang ah  final year examination cu a sung cu sung em lovi mark tha lem lovin ka pass hram hram a si.

%d bloggers like this: