Burma Ram Feh Dan Ding Part 95


Chin State House Rangoon leh Mandalay ah Kan Neih A Tul

Kan dung kum 35-40 lai ah khan Rangoon ih Bar Road ah Chin Rest house ti maw si a rak um ih tu lai ah teh ziang a bang ti ka thei nawn lo.Cunah cun room 2 lai cu a hmin cun a um ih ih khun 8 lai maw si a um.Mikhual an um theu ko.

Mizoram ah cun Mizoram House ti in Silchar,Guahati,Calcatta,Delhi leh Bombay ah an um.Delhi tla ah cun inn thuah 4 lai nei  Mizoram house 2 an nei.Pakhat tla cu a hall ah Mizo fellowship ( Mizo Inkhawm ) an ti ih, Sunday  ih khawmawk nak ah an hmang.

India le Mizoram cu Chin state cun kan thim hrih lo phawt ke.A si nan a mal bik ah Chin state house,thuah 3 tal,vawi khat ah mi 50 tal riah thei nak cu um zang seh la a duh um zet.Hivek house ah VIP room khal a um kei.Dam lo pawl khal an riak thei ding.

Hihi cu project tum tuk a si ruang ah state a cozah le central a cozah pawl ih tuan ding a si.A hmasa bik ah cun Rangoon le Mandalay ah neih a that ka zum.Leh hnu ah cun Nepidaw le Mongwa tla,cu le Pakokku tla ah neih a tul leh ke.

Kan MP pawl le Chin state a cozah hotu pawl himi thu ah nan thupi tuk.A hmun tal hi cu a zamrang lam ih hawl suah thei siseh la.A hmun hrang khal hi sum tam zet a tul ding.

Hivek kan neih ah cun tlawngta,a cozah hna tuan ,damlo leh mi phun phun hrang ah a man mal te kuan ih riah thei nak a si ding.

(Visited 35 times, 1 visits today)
%d bloggers like this: