Burma Ram Feh Dan Ding Part 94

Kum 2 Sungih Rangoon le Hmuntha ( Zuathit ) ih Kan Tuan Ding Pawl

Hmuntha ( Zuathit ) Hrang

Tui ka nganmi pawl hi kan dung ih Hmuntha model village ah kan tuah ding timi pawl a si tho tho ding nan tu hi cu kum 2 sung ih kan tuah teng teng ding pawl a si ding.2014 cem hlan pi ah zan tlawng tuah ih English le Kawl tong,ca zirnak tuah man teng teng  a si ding.Cule phun 10 tiang ih high school pi,a sak tal kan sak thawk thlang ding.A remcan ih sum tla a um a si ah cun village hall pi tla kan thok tan ding ih cunah cun volley ball,badminton leh nak pawl a um ding.Mipi pum khawnak tla ah mi 600 tiang lai tlem thei hall a si ding.
Tidai lak awl dan tla ruah thok cia tal a  si ding.Mipi hnen ih zirnak,thansonak lam,taimak nak,sum ren nak,eiruk a tha lo tinak,harhdam nak lam tla thla 2 ah vawi khat tal zirhawk a si ding.Lo neihnak lam ih hlawk sawn ih buh le thlai thar dan ruah suak a si ding ih,khawsung mi harsa le cathiam nauhak farah tlawngkai thei dingih bom dan pawl tla ngaihtuah a si ding.

Rangoon Hrang

Falam pawlpi tuah that a si ding ih,office tla neih thei tum a si ding.Malaysia ih KL khawpi le Delhi ih Falam pawl ih office an neih thei ah cun Rangoon khal ah neih thei tum a  si ding.Fulltime staff 1 le office nghak tu 1,computer tla neih thei tum a  si ding.Rangoon Laimi tithanso tumnak ah hin sum le pai tla in Rangoon ih kan milian pawl le Bible tlawng nei pawl nan tan cio tla a tul ding.Himi Falam pawlpi le office hin mikhual mangbang le sizung ih um damlo pawl tla a theih tawk in a bom ding.
Thal 4 ah vawi khat tal thansonak le thil tul dang dang hrang ah seminar neih theu a si ding.Hi seminar kai pawl hi rawl tal ei tir an si ding.Sum nei tu pawl thawi tuantlan a  that ah cun himi kum 2 sung ah hin Laitong ih nitin thuthang ca tha zet tuah thok a si thlang ding.
Rangoon ih Falam pawlpi office ih sin leitlun ih um kan Laimi pawl thawi internet ih pehawknak,thusuh awk nak Chin centre pi tuah thei tum a si ding.Himi ah hin zo khal in an sut aw thei ding nan himi ih hmanmi tong cu English tong le Falam Laitong lawng a si ding.
Himi tumtahnak ah hin percent ziangzat kan hlawh thling thei ke ? 1998 ah khan Mizoram ah Congress an lal lai ih cunah cun khalai ih minister Pu PC Bawitluanga hnenah a cozah ih New Land Use Policy ( NLUP ) hi 60 % tal cu hlawhtling sehla cu Mizoram cu a tha tuk ding nan ka ti.Anih kei hnak ih thei sawn cun 30 % hman hlawhtling sehla a tha tuk ding i ti.
Kei hi India ram ih acozah University pom MA le M.Phil. ah average mark 55% in 2nd. division in ka pass.Tui khaw 4 hrang ih kan tum tah mi pawl hi sum le thuneihnak ( power ) nei lo cing ih tuan ding kan si ih,Pathian rinsan cing in kan za ten taimaknak,rinumnak,tanrualnak,ram le miphun duhdawt nak thawi kan tan ih kan tuan
 cio ah cun 55% tal cu kan hlawhtling teng teng ding ti ka zum a si.

 

__._,_.___
(Visited 43 times, 1 visits today)
%d bloggers like this: