Burma Ram Feh Dan Ding Part 94

Surbung Tlang Feh Pi Vivo Dan Dingah


Surbung tlang ih vanzam tumnak a  um thei ding cu kan rak duh thluh ko nan tu hrih ah cun acozahpi lam ih sum le pai an harsat ruang ah a cawl hrih a si hi.Hitih lai ah hin kan nih hmun hla ih um pawl hrang ah theih fiang lomi a um ding.Cucu,Central acozah in Chin state ah vanzam tum nak ding ah Surbung tlang hi a tha bik tiin a hril ngai ngai maw ti hi a si.Ziang ah ti le a tha bik ti ih a hril ti kan theih hnu ah a tha dang zoh sal an tum ti tla kan theih ruang ah a si.

Ziang a si khal le a tha bik ti tal an ti maw ti lo maw cu thudang si seh la,kum 2013-14 hrang ah cun Surbung tuahnak ding ah sum an re thei lo cu a fiang ah a cang.

Hiti a si cing nan kan to men cu a theih lo ding ti cu kan thei thluh ko.Cui ruang ah kan rinsan zet mi kan MP pawlih hovin Surbung airport committee ti in maw committee din seh la teh a tha ke maw ti hi ka run ngan duh mi a si.Cumi committee ah cun Pu Khuang Ling chairman,Pu No Than Kap secy. tla siseh la,MP dang le hotu dang Pu Kap Tial tla telh in,cu le Rangoon lam ih kan sumdawng rinsan mi le Bible tlawng nei pawl tla tel in,member 6 maw 10 tiang maw um seh la,Falam ih Pu Hrang Lawm cu telh ding a si ding ih.

Himi committee ih treasurer tla cu Bible tlawng nei maw cu lo le Rangoon ih rinsan midang maw tla siseh la.Hihin na kum April thla ih financial year an puan hlan khua pi ah President Thei Sein tla tum hnih tal tong seh la.President ton hi a har tuk ding ti cu kan thei thluh ko.a si nan MP pawl hrang ah cun thla khat advance vek ih an dil ah cun President pa minute 20 hrawg ton cu a theih ding ah ruat seh la.Cule President lawng hi a  tawk lo ding.Minister le mi poimawh dang tla vawi hnih ciar tal an tong a tul ding.Ram dang ah cun lobby group pawl tla in an ti sak.Hna tam pi tuan nak ding ah leng lam ih si sum lam ih bomawk tla a tul ding.

Chin state lam ih rak cang tu tla an um a tul ko.Cule 2014 budget year ih tuah thawk ding in kan hotu pawl in in dil sak thei a si le,a tluan pit tawp ah hi tin a ruang um ding.

2014-2016 hi earth work an tuan ding.Bulldozer 5 lai,JCB vek 6 lai in kum 2 sung an tuan cun lei laih rawn leh nghet zet ih silh khak cu an tuan man ding tiin ruat seh la,Mizoram ih Lengpi airport an laih nak hnak cun a awl tuk ding ti ka thei a si.cumi hnuah sum cem tam ding mi runaway vanzam tumnak lung le black top ih phah hi kum 2 lai an tuan ding.Cui tlun cu building sak hi a  si ding.Cu ti ih a tluan cun kum 2019 tal ah cun vanzam a tum thei ding.

Cui ruang ah kan MP le kan hotu dang pawl,nan thin a har in nan bang zet nan himi airport ding hi saklam Lairam hmuah hmuah hrang a si ding ruang ah in tuansak ten to uh law tiin kan lo dil a si hi.

%d bloggers like this: