Burma Ram Feh Dan Ding Part 92

Nite ( Pu Ni Hlei Mang ),Canada Hnen Ih Cakuat


Dear Nite


Kan dung zarh Friday ni ah khan Delhi ah nan kohhran upa  George White kha ka leng leh.Himi tum ah Canada ih nangmah na rak um ruang ih George ka ton hi kum 10 tlun ka man mi ka sun mang tikim tu ding maw si ke ka ti rori.

Ka zan mang pakhat cu nikum ah khan a kim zo.Cu cu 1976 ih Mizoram Ratu khua ih high school teacher ka tuan lai ih ka mang hmuh mi par ah a si.Cui zan ka mang ah kha lai ih West Germany ih prime minister Smidth thawi ka rak biakawk nak ka hmuh mi cu nikum ih international level leader Pi Suu Kyi ka tlawng  ih a rat ih kan biakawknak ah khan a kim a si.

Kha kha cu zan mang a si ih tui ka lo sim mi cu sun mang a si.Hiti hin ka rak ruat theu.Kan ram a  cozah a that lo tuk ruang ih kan farah tik ah kan ram a that deuh cun USA ah maw khui tawk ah maw ram tha ih khua pakhat le Falam khua kan peh aw ding ih,cumi khua pawl in in bom ding tiin.Tui hlan ah cun USA ih um ka nau Tha Nei Luai tei umnak New Bern,North Carolina khi ka rak tinzawn theu.A si nan tuaah cumi khua ah ka nau a um nawn lo ih tlun ah cumi khua mi pakhat hman ka thei lo.Cule na rualpa George cu Falam khua tiang rori a va feh a si hi.Mirang mi rintlak   pathum pali lai ka theri nan Greorge vek ih Falam khua tiang ih feh dah an um lo.

New Found land ih St.John ih nan um pek ah khan an va um hla ding ve aw ka lo ti lawk.New Found land sawh cu nan suah pek hrawng ah a si ding ih Mandalay ih phun 8 kan kai lai ah kan saya pa in Europe in North America an feh ding ih khui tawk ha an thlen hmaisa bik ding tiin in sut ih kei cun New Founder land ka ti ih a mang a bang zet.

Cule kan peh tlaih awk dan ding ah,Falam le Chin state hrang ah New Found land ah Pathian in a lo kuat.Tui kum cem ih kan ram ka thlen ve ten passport ka tuah ding.Cule hnakum September hrawng,Canada khawsik a thlen hlan ah nan state ah rat ka tum ding.Ka ratnak man ka tum awk thei nak ding ah George le mirang dang pawl thawn lecture ka pek nak ding hmun 4 hmun 5 in rak hawl sak ding ih hmun khatih minung 50 tal ih ngai tu um ding in.Kei cun Burma thu le South Asia (India,Pakistan,Afghanistan,Sri
Lanka,Bangladesh le Nepal ) thu hla pawl ka sim ding.South Asian affairs na na na ah cun Burma level ah expert ka ti aw ve ko.A ngaitu pakhat in $ 10 lai an kuan ding.1991 hman ah khan Aizawl ih Dr.Sang Kung inn ih Christmas ah nazi 2 sung lai mi 40 lai hnen ah First Gulf War thu hla ka sim ih Saya Za Thio cun mi pakhat in Rs.30 lai lo pe  ding awm kan si a ti.Kum hmaisa ih India ih Zo Tum Hmung thawi ra tlawng American lawyer Matthew cun nang cu USA ah cun ra thei aw la cu lecture pek le ca ngan in na cawmaw thei ding i ti.Ka lo sim duh ciamco mi cu ka rat nak man ah ka tawlrelaw thei ding ih zarh khat ka um sung ah St.John  khawmi pawl ih Falam khua in bom thei dan ding pawl kan rel ding.English tlawng saya ding 4 lai tla an mai sum in in bom thei ding.Falam hrang ih generator bun nak ding pawl,Falam hrang ih library tuah nak ding pawl,a dang a phun phun khal ah in bom thei ko ding.

Cui ruang ah nang ih St.Joihn ih na um ih na nau Pastor David Mang Hrin Luai ih Delhi ih a um ruang ih kei le George kan theih awk nak hin Falam le kan Lairam thansonak ah Pathian in in hmanpi hram seh la ti hi kan thlacamnak si seh la.

%d bloggers like this: