Burma Ram Feh Dan Ding Part 82

Kan Lailung, Hramlak le Tiva Tithat A Tul


Saya Amos Thang khan Cekan lam ih bawnthur an cin dan pawl tla a run ngan ih siar a nuam zet ih cui tlun ah Holland ram ih an cin dan i run sut.Holland ram ih an cindan cu ka thei lam lam lo.A si nan 1982 ah khan Mizoram Tut phai ah tichhim ram ah bawn thur le zikhlum ka rak cing dah ve.An that tuk ve law law.Amah lawng te bawn thur pawl cu April thla ah Rs.15000 man lai suak thei ding kha Rs.400 man hrawng lawng ka zuar man ih ruah a sur ih an thi thluh.Cuih hnu ih ca ka siar mi ah bawnthur pawl ruah kham nak ding in a pak a pak ih plastic inn ih khuh theih a rak si ti tla ka hmu.Kan ngan zo,thiam nak le hmanrua tha tha a tul ko.

Cule kum 40 hrawng a rei zo ding ih Burma ram ih fang (paddy )suak cu acre 1 ah tang ( basket ) 50 lai lawng a si lai ah Japan ram ah cun 180 an thar thei.India ram hnak in Chin ram in acre 1 cio cio ah buh le bal let 2 le a hrek in an thar tir thei.Cui ruang ah kan lo ram neih mi hi a karh thei nawn lo nan a cin dan kan thiam cun let 2 let 3 in an thar tam thei ti kan thei ding.

Cule tulai ah Western world lawng si lovin India ram khal ah organic farming hi an urar vivo i,organic ih thar mi thlai pawl hi mi tam pi in an lei vivo.Organic ti hi cu mirang dawm pek lo,mirang pangngang kahnak sii hman lo ti a si mai.Mirang dawm pek hi cun lei ram hi kum 20 kum 30 hnu ah cun a siat phah nasa.Organic farming ah cun caw ek,hrammpi ihsi tuah mi dawm le hrampi ih si tuah mi pangngang kahnaak sii tuah a theih.A ei tu hrang khal ah organic farming ih thar mi pawl cu milai hrang ah damnak a si.

Singapore cu a ram a fate tuk ih minung an tam tuk nan an ram ih 50 % cu tuupi ( hramlak )ah cang tir in thing mawi mawi in a khat.India ram ah a ram ih 20% hrawng lawng hramlak a tang ih an mang a bang zet thleng.

Laitlang ah ram a that ih thuneihnaak kan nei a si le ram ih 33% ( one third )cu tuupi ah kan cang tir ding ih a tangmi pawl khal cu lo le thlaihmuan tha tha,coffee le tea plantation le Australia ih si cah ding mi caw rawl hrang ih hrampi in kan cing khat thluh ding.

Kan tiva pawl kan kilkhawi tha ding ih,dynamo,bomb leh sii hman kan kham ding ih ngan pawl cu a thliar le sur vorh lawngin kan kai ding.Nga an tam zet ding ih an thaw zet fawn ding.Ram tha thlir in beisei nak nei cio uh sih.

(Visited 41 times, 1 visits today)
%d bloggers like this: