Burma Ram Feh Dan Ding Part 75

 New Delhi ih Chin National Day Kan Hman Dan


Tui sun hi kan theih vek in Chin National Day a si ih,hmun kip ah kan hmang cio ding.Cumi lakah Delhi ih kan hman dan a thei duh pawl hrang ah ka run ngan a si.

Delhi ih CND hi a tlangpi in Chin Students Union hoha nak in kan hmang theu.Tuikum khal cuti tho tho a si.Hiti a si nan Delhi ah hmun hnih ah kan hmang.Midang hmuah hmuah cu Janakpuri veng ah hman a si ih,Teddim ( Zomi )pawl cu a dang ten an hmang.Annih hi India Paihte pawl thawn an hmang tlang.Kan hmang tlang thei lo nan Chin national day an rak hman ve cu a lungawi um tho tho a si.Ziangah tile annih pawl hi a  cang cang cun Chin tiawk hman hi duh lo pawl an si.

CSU hoha nak ih hmang  pawl cu Teddim ti lo cu kan si thluh.Mi 1000 lai cu kan khawmaw ding.Chief guest ding hi Mizo MP pawl tla kan hawl nan Mizoram ah an rak um thluh ih,kan hmannak bial ih Vai  VIP kan hmang.Guest of honor ah cun Dr.Tint Swe,1990 ih Burma ih MP hril tlin mi tla a si ih cu lo cu kei leh lawyer Van Thio Cin pawl tla kan si.Thupuangtu fala Roslyn Tha Hlei Tial ( Pu Tai Kheng ih fanu ) cun thiam zet in Bumese tong in a hruai.

Dr.Tint Swe ih thu a sim nak ah Burma hi democracy kan si hrih lovi,cui ruangah lungrual tei kan tuan tlang a tul a ti.Kei ih thu ka sim nak ah ,kan mipi pawl tampi ramdang ah nan feh ding ih,cutawk ih sin Burma ih Chin pawl nan run nghilh lokei,nan theih tawk in nan run bom ding.Cuitlun ah tikcu hman thiam uh la,zirnak lam hi thlah uh hlah.Pathian khal thei ring ring uh ka ti.

Lam a phun phun an hmuh hi,hi pawl lakah Matu pawlih khuahlan lam cun lawm a hlawh bik.Fala leh tlangval pawl tlarkhawm in an lam ih mi pahnih,ral phaw keng ve ve cu an sualawk tir.Lam dang dang tla an hmuh ih,hla sak thiam pawl tla ih hla an sak.

CND hrang ah hin sum tampi a tul ih,CSU hotu pawl in ramdang ihsi tla ih sum an hawl ih.,cu le Delhi ih kohhran pawl hnen tla ah kut an dawh.Budget ah Rs.70,000 lai an hmu thei a si.

(Visited 28 times, 1 visits today)
%d bloggers like this: