Burma Ram Feh Dan Ding Part 70

Baptist Kohhran Kan Tuah That A Tul

Falam Baptist biakinn pi tuah that a tul ka ti mi ah Christian Apuaih cun biakinn hnak in a sung ih member pawl tuahthat a tul sawn lo maw a run ti ih,ka lung a kim tuk.Hihi ngan ka tum zawk rero mi a si.Kan dung kum 2 lai tla ah ka ngan zo.

Tu ah Delhi ah a um ih,amah Saya Rev.Kap Thaun Thang ih i sim mi ka run ngan hmasa ding.Saya Kap cu kan dung kum 10-20 lak ah Falam ah a va tlawng ih,Aizawl ihsin.Cunah FBA hotu pakhat a va tong.Saya Kap cun Baptist ah ka rung lut ding ih,kohhran reform kan tuah tha ding a ti.Cupa FBA hotupa cun Saya Kap,tum duh aw hlah,Kan tithei cuang lo ding.Kei khal  ka corrupt,hruaitu dang khal an corrupt a ti.

Baptist kan timi ZBC Baptist,FBA Baptist hi kan dung kum 40 lai ah cun Falam mi ih 60% kan si ka ring.Tu-ah cun 40% kan um le kan um fang ding.Baptist ka si ruang ih hi cahram ngan ngam ka si.Cuvek in kan tla niam nan Baptist hi kohhran pakhat ah cun  a tambik tho tho kan si ding.Baptist sang tu hi Falam mi ih 15% um an um ka ring lo.

Kan tlak niamnak san hi a mal bik ah 2 tal cu a si ding.1984 hrawng ihsin Baptist suahsan  saya pawl ih Baptiat kohhran cu kohhran thi,piangtha do in ti rero kha tampi in kan thei lai ding.A diknak tampi a rak um.A sinan kohhran mi thlacam  tu tam pi le saya hrek khat tan nan lak ruang ah Baptist kohhran cu a tlak siat lo ding in nan rak hum thei.

Pahnihnak ah cun kan ram economic a sia tikah pumcawm nak a  tulih  hi himi ruang ah saya tuan  tum tampi in in suah san ih,kohran member tampi khal in in suah san.

Mizoram ah Presbeterian kohran leh Baptist pawl cu an that tuk ruang ah a caozah rori hman an khal thei.2008 ih election ( hrilawknak )tum hi Presbyterian kohhran ih a kiahruai that dan cu a thei tu pawl  cun nan thei ko.

Lairam khal ah a tumbik a si lai mi Baptist kohhran hin Pathian thu ngai ngai ih mipi a kaihhruai ah cun kan ram a dam ding.Kohhran dang khal an hna a ngam ding ih an tha a tho ding..Pastor pawl  le hruaitu pawl khal hi kan lo sawisel khal  le nan theih thiam a tul.Politic ih ram  kaihruai tum pawl khal kan thiam lonak ah cun insawisel ko uh,kan tuar thiam a tul ding.

Saiha,Mizoram ah Mara Independent Church an ti maw si Mara kohhran ih kohran tum bik ah member 30,000 an um ih pastor 30 lawng an nei. Member 1000 ah pastor 1 lawng a um.An kohhran in an tlak niam phah cuang lo.Kan nih pastor pawl tla kan tam tuk a si lo maw.Kohhran upa pawl tla in kohhran hna tuan hi tampi kan sawn a tul  lo maw si.

Mizoram khi leitlun dan ah cun an corrupt nasa zet.A sin nan an kohrhan tal cu a ding veng veng thei.An kohrhan tal tha lo sehla cun a siat dan ding a mak zet.Chin ram kan tuah that tum nak ah hin Pathian thu ih kan za te-i kan dik ih hna kan tuan that a tul thlang ding a si hi.

%d bloggers like this: