Burma Ram Feh Dan Ding Part 69

Falam Baptist Biakinn Kan Rem Ding

Lairam hi Mizoram thawn cun kan thim thei lo ke.Mizoram ah vun zoh hmaisa seh la,an biakinn kum 25 hrawng ih  upa hmuah hmuah cu an thiat thluh ih tha zet le mawi zet in a thar an sak thluh.Aizawl ih Canmari biakin pi khi Mizoram ka thlen pek 1976 ah a thar an luah pek a si.Cucu Mzioram ih ka um lai kum 2000 hrawng ah khan  an thiat ih a thar an sak leh mi hman an lauh leh zo.Canmari biak inn cu thuah 3 lai in an sak tha ih a hnuai bik,lamzin zawn cu dawr te te ah an tuah ih mi an san tir ih sum lut cu kohhran in a co.Cule cu vek tho tho in keimah khal kohhran member ih ka rak tel nak Electric veng biakinn pi khal kum 20 hnu ah Aizawl ih ka um lai ah an thiat ih tha zet in a thar an sak leh.Mission veng ih biak inn tla cu tui a neta bik hi kum 100 sung ih a vawi 4 nak a si hmang ih hi khal hi thauh tampi in an sak a si.

Tu Falaam Baptist biak inn ah kan feh kei.Hi biakiin hi thla zuk lawng ah ka hmu ih a mawi zet.Cule  hi hi kan Falam timawi tu pakhat a si fawn..Kan nih cun Mizo pawl vek in sum kan neih lo ding ruang ah a thar ih sak ding cu ka rel ngam lo,A si nan kan tuah that cu a tul ding.A tlun khuh a canphuai thleng sawhcu a tul kan ti thluh ko ding. 

Cule tui ruahnak ka pekawk duh mi cu,Pu Kiamsi le Pu No Zam tei inn lam in Biakinn ah  hmaisa ah lamzin pi feet 6 tal in kan kauh ding ih.Tu khalah cang cim thei nawn lo ding in tha zet in  an dawl ko.Khami pawl kha feet 6 ih lamzin kan kauh nak ah kan thiat ding ih,cui hnu  ah,hmun feet 3 lai a um hrih ka ring ih cu cu pavement (dawhsan )ah kan tuah ding.Hihi steel rod leh cement concrete kan hman cun kan tuah thei ding.Cui hnu ah Biakin hnuai ah kua kan verh ding ih,cu cu feet 12 hrawng maw a si ding.A thuk lam feet 12,a sau lam cu ziang zat  si ding ti ka thei lo.Cumi pawl cu dawrt khan ah kan tuah ding ih,inn luah man cu kohhran in a co ding.Cule himi kan lai kuat mi hi a tlun biak inn lam ah ziang tluk in a sang ding ti ka thei lo.Feet 30 a sang a si le thuah 3 inn  ah kan sak ding ,ih feet 24 a si ah cun thuah hnih lawng a si mai ding.Himi sak sung ah cun Biakinn sung area ih then li  then khat hrawng cu thla 4 lai cu milai to nak a theih lo ke.Sak theih cun lamzin le kau deuh si,biakinn hrang ah room tam zet kan nei ding ih income tla  kan nei ding.Cui tlun ah hall pakhat tla a um thei ding.

Cule Biakinn varendah lam khal kan theih tawk in kan kauh ding ih,puai ni leh khawm tam ni ah mi tam an khawm thei nak ding in.Himi biakinn compound ih tel ah a cang kei,biakiin ih a neih thei hrih lo mi zin tlun ih inn khal a  cozah hnen ah dil suah kan kan tum ding ih,kohhran in a cozah hrang ah hmundang ah inn tha zet pakhat kan sak sak ke.Hi inn tha kan sak mi cu pastor quarter ah maw kan hmang ding.

%d bloggers like this: