Burma Ram Feh Dan Ding Part 67

Corruption Kan Do Natsat A Tul


Gladiator film zoh nan um ding ih,emperor pa khan a fapa hnak in a general pa kha a thih hnu ih lal ding in a duh ih,cu tawk ih thu a cah mi cu corruption na do a tul ti a si.Corruption hi kan dung lam Roman san kum 2000 lai khal ah a  rak tamzet ko.Bible sung khal ah Zakia kha mi corrupt zet a rak si.

Tunai te ah Burma President Thein Sein cun corruption kan do a tul a ti.Burma ram cu kan theih cio vek in leitlun ram 190 lai ah a corrupt bik no.3 nak lai a si.A hnak ih corrupt cu Somalia leh Afghanistan ti vek lawng an um.Cule Burma ah cun Kawl tong ih pile ti le kyanphan timi bumawk nak kan ti ke maw vek tla hi corruption,tha lo zet  a  si ti kan thei lem nawn lo.

India ram khal ah corruption hi a rak nasa ve tuk ih,Burma hnak cun a zia um.Leitlun corrupt bik ram 77-nak lai a si.India ah nikum tiang ah khan central minister,MP le milian zet zet pawl tla corruption ruang ah jail ah an tang zawk rero.

Mizoram ah kum 1984 kum kha a si hmang,Presbyterian kohhran pi cun corruption do kum tla ah a rak puang dah.Laimi lak khal ah corruption a thalo  ti cu kan run thei  deuh cu a si ding ,kan dung te ah hmin ngan lovin mipakhat,Pa Teng a ti aw maw si cun Chin ram inti siatsuahtu hi pastor le kohhran upa pawl an si a ti.A diknak lai a um kei a dik lo nak khal a tam thei ko.Cule kan dung zarhkhat hrawng mai ah khan Aizawl ihsin Salai Pa No ( Pu Lian No thang )cu Laimi le Pawisa tiin Pathian hmin sal ih rawngbawlnak  diklozet ih tuah,farah cawm le Bible tlawng din hi kan phun kan hnam hrang ah a tha lo a si a run ti.Mi hrekkhat cun a mah an run sawisel nasa ih,mi 5-6 lai cun a mai bulpak mail ihsin kan ngan ngam lomi na ngan ih kan lungawi tuk an run ti.

Ram hruaitu maw,pastor maw,Bible tlawng nei maw kan corrupt cun mipi hnen ih feh ding sum tam pi hi a si lo zawng in a feh thluh ih,mipi kan ti farah tinak a si ding.Leitlunah ram lian pawl ah cun corruption a mal zet ih,ram thangso pek hrawng ah cun a tam nasa.Vawi khat cu kum 45 mi hrawng  simi Finland rammi nunau nu in kan ram ah cun corruption thubuai a um lo a ti ih,India vai nu ca thiam zet,knowledge nei lem lo nu cu mak a a ti zet ih,a zum lem lo.Kei in “Norway.Sweden and Findland are the least corrupt countries in the world “ka ti hnu lawng ah cui Vai nu cun Findland ah corruption case a um lo ti cu a zum thei.

Ram hruaitu pawl,a cozah hnatuan pawl le pastor,kohhran hruaitu pawl hi corruption tuah lo ih mipi hrang ih zohthimtlak ih kan um a tul a si hi.

(Visited 26 times, 1 visits today)
%d bloggers like this: