Burma Ram Feh Dan Ding Part 63

Falamah College Kan Din Ding


Burma ram a cozah ih thuthan ah  April ni 1,2013 ihsin cun nitin suak thuthangca pawl bulpak ( private ) in nan suah thei ding an ti cu a thei nan tampi ding.1964 ihsin New Win a caozah in kum 50 sung lai Burma ram ah daily newspaper pawl private in kan rak nei thei nawn lo tinak a si hi.Tu cu a lungawi um tuk ih,Burma ram ih tong a phun phun in suah thei a si thlang ding.Himi Burma Ram Feh Dan Ding khalah Lai tong in thuthangca kan suah leh ding tiih ka rak  ngan nan mang lai ko ding.

Tucu thudang deuh ah kat seh la.Time magazine ih President Barrack Obama Man of the Year an pek nak thu Time magazine ih suak ah Obama cun a second term kum 4 sung ih a tuan ding mi pawl a sim ih,a hmaisa bik ah energy a ti ih cui hnuah education a ti.Chin state energy ding ah Falam ah kw 500 ih cak meicet kan bun ding ti ka ngan zo.Tucu Obama khal ih a pahnih nak ih a poimawh a ti mi education ah feh seh la.

Mizoram ah khin Aizawl khawpi lawng ah si lovin Falam khua tia leh Falam hnak ih fate sawn khaw tampi ah college an nei.Mamit,Saitual,Serchhip,N.Vanlaiphai tivek tla an si.Cui ruang ah Chin state ih town ( myo ) 9 ih college an um thluh thei khal le a tha a si mai.

Private college hi ziang tik ah an siang ding ti kan thei hrih lo.An siang cing ding tiin ruat phawt seh la.Thuthimnak ah 2015 tal ihsi cun student pawl tlawng kai thei ding ih kan ruat tlan a tul ding.Cule a building cu tui Candmari ih high school building khi kan hmang lawk ding.

A
tul a si le college cu morning,8-12 AM tla ah a si ding ih,high school cu 12-30 to 5 PM tla ah a  si ding.Principal hmaisa bikah Sayakyi Van Kyi tla a tlin lai a si le in tuansak a tul ding.Saudi Arabia ih king tla tu ah kum 88 lai a si ih,Saya Van Kyi cun kum 2 tal in tuan sak thei ding tiin ruat phawt seh la.Cule saya 10-12 lai an um a tul ding ih,education system ziang vekin an thleng ding ti kan thei lawk lovi,a tir ah cun phun 11 le 12 lawng tla kan tuah ding.Science ah subject 3 maw arts ah 5 maw tla in kan thawk ding.An lakkha ding cu a hrek a cozah in in bom ding ih,a hrek cu mipi in kan zul khawm ding.

USA ih um Pu Thang Luai in vawi khat cu Burma Ram Feh Dan Ding a run comment nak ah Kaley Tahan ihsin business thu ah cun Falam le Laitlang ah kan so lo ding nan zirnak education ah cun kan  so leh ko ding tiin a run ngan dah.Business zawng khal in kan Laimi pawl ziang ruag ah an hung so ding ti cu kan ngan leh ding ih,a asi nan Tnangte khal in zirnak ah cun kan hung so ding a ti mi ka pompi zet.Cuiruangah  Falam ah college tha zet,Kaley university vek tal ih tha,cuhnak hman ih tha kan tuah zang a tul zet ticu kan thei cio ko ding.

%d bloggers like this: