Burma Ram Feh Dan Ding Part 60

Falam Sizungpi Kan Tuah Tha Ding


Tulai leitlun kan buai cel cel lai ah thu tha pakhat kan theih mi cu tunlai  Falam sizung ah mina pawl in an pan vivo tih hi a  si ding.Mina um tam seh kan ti riai lo,a si nan milai cu kan thih hlan khal ih na ring ring ding kan si ih,cuti vel lai ah Kalemyo ihsin leh Haka ihsi hman ih Falam sizsung an zawh thlang ti kan theih tikah Falam ah sizung tha a um sal ti kan theih ih thuthang tha ah a cang.Kan dung kum 40 lai hrawng tiang ah khan cun Champhai leh Farkanwn lam ihsin hman in Falam sizung ah an ra feh theu.

Kum 2000 tiang hrawng ih ka rak ruah theu mi pakhat cu,ram a that le,Dr.Nikhuai England ih a damlai le a mai hnen ah ka tlawng ding ih anmah nupa thawn mirang pawl hnen ah Falam sizung pi tithat sin sin nak ding ah sum kan khawng ke tih hi a si..Tu-ah cun le in thihsan zo.Cuti cing in Falam sizung tihthat nak kan ruah vivo a tul tho tho.

Kan theih zo vek in Falam kha district level sizung a rak si ring ring ih,a si nan nuam te ten Falam sizuiung ih thilri tha pawl Haka ah in lak sak zawk rero.Hihi kan dung kum 15 lai in a thok.Tucu ram khal a  tha vivo thlang ih,kan tih  thei ding mi pakhat cu Haka ih inlaksak mi thilri pawl ziang tin kan ngha leh thei ding ti ruah tlan  hi a si ding.A hrek tal cu dil thei kan tum a  tul ding.Ziang tin kan ti ke.Tha ten kan dil ding ih,a thilri ih in pek thei lo khal le a lei nak dingah central a cozah in maw state a cozah in maw sum in pe seh la,in lak sak mi aiah cui sizung thilri pawl kan lei ding.A tul a si le court tiang hman kan feh ding.Ralkap a cozah lai ih thiltha lo tuah mi pawl cu rem sal a tul a si si.

A dang leh cu,a dang ten a cozah hnen ah le NGO tum pi pi pawl hnen ah Falam sizungpi tihthat nak ding ah sum kan dii ding ih,cui sum pawl cu dik ten kan hmang ding.Falam sizung thuamthat tu ah,Pi Sapte hnen ah lungawi thu sim ka duh.Anih in sum a ngah mi pawl ihsin Falam sizung hrang ah thilri tampi in lei sak.Bul pak zawng ih rel ah cun Dr.Ni Khuai ti lo ah cun Pi Sapte hi Falam sizung hrang ih tuan nasa bik tla a si men ding.

Tui hnu khal ah Pi Sapte in siseh midang dang khal in Falam sizung hrang ah na pi in kan tang cio ding.Lehhnu ih lamzin a phun phun kan ceh vivo thei tla ah cun Thlantlang peng ihsi hman in Haka ih khawsik tuk ih sizung um hnak in Falam ih rat tla an duh leh men ding Sizung building khal sak bet nak ding hmun tampi a lawng ko..Kan za ten tang cio uh sih.

(Visited 48 times, 1 visits today)
%d bloggers like this: