Burma Ram Feh Dan Ding Part 58

Falam Khua Kan Tuahthat Dan Ding


Falam peng thlah kan Laimi pawl hrang ah cun khuai tawk ih umkan si khal le Falam khua cu kan khawpi a si ring ring ding.Cui ruang ah tui tum ah ram le a rung tha vivo thlang si  Falam khua hi ziang tin kan tuah tha in kan thangso tir ding ti kan ngan ding.

Kan dung te mai ah khan Falam ih khua nu le khua pa pawl in town planning tla an run nei ih ka lung a kim zet.Cumi cu tui Falam khua khal tithanso ih tlun ah Lungpi lam,Rialti lam ih khaw kauh tir ding ti hi a si ding.Cumi thu peh zawm in ziang pawl kan ti ding ti ruah tlan nak ding run suah bang seh la.

Tui Falam umnak kan tuah that ding pawl cu nuam te te ten nidang tla ah kan run ngan leh ding ih,tu ah cun hmun thar ah ziang pawl kan tuah ding ti kan ngan ding.

A hamasai bik ah Chin State Assembly building neih thei kan tum ding.Hrekkhat in Assembly ( state parliament ) building cu ziang a si nan ti men ding.Tu ah Nepyidaw ah rampi parliament building tha zet mawi zet a um vek in ni khat khat ah cun state kip ah state assembly building a um thluh leh ding.Hinah hin cumi cu state capital Haka ah a si lo ding sawm nan ti ding.Hi vek khal hi then thiam awk a theih thluh.Ka rualpi tha zet Salai Kip ( Kip Kho Lian ) tu ih Germany ih um,CNF supreme council vice president cun hitin i sim.Haka unau pawl hnen ah Falam ih sin capital khua sinak nan lonsak zovi,assembly building cu Falam ah a um a tul ka ti ih an lung a kim a ti.Kipp cun in duhsak cu a si nan a mai thu kha la  si cuang lovia thusim mi rak lungkim pi tu Haka hotu pahnih thum ih thu khal a  si cuang lo.,Falam pawl kan tanthat ih kan neih tum ding mi,kan neih thei ding mi a si ding.

Assembly building ah hin state MP (Mizoram ah MLA ) pawl hi kum khat ah vawi 3 maw vawi 4 an meeting theu ding ih,tum khat meeting ah ni 7 in ni 14 an rei thei ding.Tuah cun state MP hi 18 maw si an um ih,Newin san Mahsahla lai ah khan 32 an um.Cui pawl hrang ih building cu tha zet mawi zet a si ding ih a compound pawl thawn cun acre 2 lai kan tul ding.Pangpar hmuan tla ih a kulh a tulh ding ih.cui tlunah MP (MLA) pawl thlen nak inn thuah hnih,khan 20 lai um inn tha zet tla sak a tul ding.MP(MLA) pawl hi Haka leh Thlantlang lawng in silovinTeddim,Tongzang,Matupi,Mindat le Paletwa ihsi tla Surbungtlang airfield ah  an ra ding.

Cule Haka ih um Chief Minister pawl tla cun a tu ldan ih zir in leh  lang te khal in an ra ding.Ziang ah ti le cumi tum ah cun Falam leh Haka lak lamzin a tha tuk ding ih nazi pakhat fang an rei ding.

Cule hivek ih office pawl hmun hnih hmun thum ih an then dan hmundang ih a um thu ka run ngan bet ding.India ram Jammu and Kashmir ah an state capita cu Srinagar an ti nan Srinagar cu thlatang ah a dai tuk ih thal lai lawng ah Srinagar hi an hmang ih thlatang ah cun an CM leh minsiter le official hmuah hmuah pawl Jammu khua ah an cert theu.Thal le Srinagar ah an kir theu.Hiti ti nakah hin 10 ton truck pawl 40 lai an hmang.
( Suak leh ah veng thar ih umding office thar dang  pawl ).

(Visited 43 times, 1 visits today)
%d bloggers like this: