Burma Ram Feh Dan Ding Part 55

Pi Suu Kyi Thusim Lai Ka Rak Kham!

NLD chairperson Pi Aungsan Suu Kyi cu Delhi ih kan tl;awng Prospect Burma ah 16-11-12 ah a ra ding ti a si ruang ah 15-11-12 ni tla cu sunvu in tlawng ah thianhlim nak le office sung ih kan um  tlan nak ding pawl kan tuah fel.16-11-12 zing nazi 9 hrawng ah police tampi an ra ih kan thilri hmuah hmuah an check thluh.Cui hnu ah tlawngta pawl thawn Pi Suu hmuah danding  pawl kan zir.

Pi Suu hi himi zing nazi 9 ah a tlawng hlun Lady Sri Ram College ah a  feh hmaisa.Himi tlawng hi kei tla in sawm nan , kan tlawng ih a rat hlanah cun khui hman ah ka feh ngam lo.Cule Pi Suu a motor ih a tum ih rak hmuak hmasai bik ding ah kan school council chairman Dr.Tint Swe le keimah kan siding ti a si.11-30AM ih thleng ding kan ti kha 1155 hrawng ah police motor on kan thei ih,cu cun motor 6 lai thawn Mercedes car 2 an ra ih thlalang dum a si ruang ah khui tawk ah Pi Suu a to ti kan thei lo.Cule ka rin lo lai ah Pi Suu ka hmuh cun car pakhat ih dung lam ih sin kan mai l;am ah a rung .Kei la Tint Swe cun kan rak cibai ,nunau 2,pakhat Kawl thuam le pakhat Lai thuam hruh in papar an rak pe.

Cui hnu ah Pi Suu kiang ah ka feh ih tlawng compound ah kan lut.Tlawngta pawl in au phah in an rak hmuak.Pi Suu cu a to lawk ih,cunah kei in Burma ram hotu leh kan tlawng in bom tu Pi Suu hi tlawng aiawh in ka lo hmuak ka ti ih,tlawngta pawl hnen ih thu sim ding in ka sawm.Himi ni ah kan tlawng school council member pawl,cu le volunteer teacher,American le English mi pawl tla kan sawm.Pi Suu cun tlawngta pawl cu thu a sim. A thusim sawh cu theih cia a si ih a thiam law law.Tlawngta cun ca zuam ding a si ih cui tlun ah tumtak nak neih ih tan lak ding a si ti pawl,Englsih lawng si lovi Kawl tong khal thiam a tul a  ti ..

Kei kha time keeper khal ka si ruang ah,kan tlawng ih minute 20 hman um thei nawn lo ding Pi suu cu minute 6 hrawng a sim hnu ah kham thlang ka tum ih ka nghak hrih,cu nah minute 9 nak hrawng ha amw si kei cun ngam lo cing in ka pi,tickcu a um nawn lo ho khaw ka ti.Anih khal cu mak a ti duk di,a thusim lai titawp ding ih kham an um dah ka ring lo.Cule hnisuamsi in “Ziangso,tlawngta pawl hnen ah thu ka sim bet thei lo ding mawsi”i ti.Tlawngta pawl cu i leh dan ah an lung a kim  tuk ih an za an beng ciamco fam the Cui hnu cu minute 2 hrawng lawng thu a run sim.ih cu  hnu ah kan office ah kan lut.Kan office ih thilri pawl kan rak suah zo thluh ih,mi 13 lai lawng tonak ding ka tuah ih kan pi ih to nak cu a tha hlei ce in kan tuah.

Laimi in induhdaw a ti.

Office sung ah cun Laimi kan tam sawn ti a theih ruang ah Laimi in in duhdaw zet ti a tong.Cule ziang ha ka lo bom thei ding tiin ih sut ih kei cun tikcu kan nei lovi ka lo sim man lo ding, Delhi  ah Laimi 6000 lai kan um lai ih,hi pawl hi tuihnu kum 4 khal ah ziang maw zat an um  lai ding.Cui ruang ah Prospect Burma scholarship lawng si lovin Prospect Burma tlawng te khal hi nghilh lovi in bom ring ring a tul,ka ti.Kei sawh cu hnakum ah ka ra  tlung ding ih,Chin state ihsin NLD hrang ah hna ka tuan ding ka ti.I zoh keu keu ring ring.Ziang hman a tong lo.Himi hnu ah kan volunteer teacher pawl hmel theih awk nak ka tuah sak.Himi hnu cun an suak ih Oxford school ih a amah rak hmauk tu Burma mi 1000 lai um nak ah an feh.Kei khal Dr.Tint Swe ih car ah ka to ih, police pawl kan thlun ih Oxford school ah cun tikcu khel in kan feh.Ka tlawng hrang ih tuan ding pawl cu ka staff le tlawng ta pawl in an run tuan.Pi Suu ih thusim lai rori ka chawlh tir hi  tu khal ih ka ruah tikah ka hnih vek a suak,ka thin vek a phang.

( Suak leh ah Oxford school ih thu a sim mi pawl )

%d bloggers like this: