Burma Ram Feh Dan Ding Part 52

The economic of publishing a book in the Chin language.


Kan tong le ka thuhla cak vivo dingah cauk suah a tul ti rel khal kan rel zo ih,publication board khal a tul ti khal kan ngan zo.Cauk volume kim in pakhat hman ka ngan hrih lo nan cauk 4 suah nak ding ah cun ka tel dah ko.Cui cauk pawl cu Pu Tial Khal ih nganmi Lai tong dictionary le a mah tho tho ih ngan mi Lai hla pawl tla a si.Cui tlun ah Pu No Than Kap i nganmi Sadur Sandar Sigh tla kei mah in ka rak suah.Hi ca uk pawl hi a lak in ka zem.Aizawl ih ka um lai i press pawl ka neih lai a si ruang ah sum cu tluk ka cem lo nan India sum cun Rs.30000 lai cu ka cem tho tho ding.

Tui neta bik Pu Tial Khal ih thuanthu hi sum cem zet ih kan tuah mi a si i,himi tuah nak ding ah Ottawa ih Pu Ningkee le a rualpi pawl in le Calgary ih um Pu Tuan Hre ing le a rual pi pawl,cule Pu Tuan Ling thang ih nau pawl thawn,an zaten  sum Rs.27,000 lai in run kuat ruang ih tuah thei fang fang kan si.Press ah Rs.50,000 kan cem.Ramdang kuatnak ah Rs.25,000 lai kan cem bet.

Hiti a si ruang kan rel zo vek in cauk tuah tu ding pawl hi bomtu an neih lo ih cauk an suah mal  cun Falam pawl in cauk tha tha kan nei harsa zet ke.Tu hi khual tlawng sumdawng pawl mi 7 lai tangrual in pawl an din ih,Rs.ting 30 lai mawsi an rualpi an rin mi cu interest mal te in  an cawih ih,cui sum ihsin kum 1 ah cauk 1 suah thei an tum.An thilti hi a tha nasa.A si nan kum,1 ih1 lawng fang cun ziang pipa kan sisuak lo ding.Kum 1 ah copy 30 suah thei seh la cu kan sang zet ding ih,a si nan kum 1` ah 15 tal suah thei tum thei ta  sehla.
Cauk tuah pawl hi bomtu an um lo ah cun sun nak hlir a si ruang ah bom tu an tul nasa.Cui raung ah a si cauk 1 tuah tu pawl,page 130 tal um,copy 1000 tal print tu cu  sum $200 tal bom thei seh la.Himi lawng lawng in cauk ngan tu pawl hin cauk ngan duh nak thinlung tla an neih phah ding a si.

Sim zo vek in himi ding ah cun Rangoon ah maw committee tha zet kan neih a tul ih,chu committee cu leitlun Falam mi pawl in sum kan bom tlang kei,cui committee khal in sum khal hmang dik in calai lam thanso nak a tuan cun kan Laimi pawl cun calai lam ah cun  kan thang nasa ding a si mai.

(Visited 33 times, 1 visits today)
%d bloggers like this: