Burma Ram Feh Dan Ding Part 50

Nitin Thuthangca Kan Suah Ding (4)

Daily newspaper a poimawh nak

Tunaite ah USA ih magazine hminthang zet Newsweek  cun tuikum tawp cun print ih an tuah nawn lo ding thu le online lawng ih an suah ding thu an puang.Newsweek hi Time magazine thawi zuamaw ring ring,Time sangtu a si ih tu hlan khuapi ih si Time magazine thawi ka rak siar ring ring mi a si.Internet a run um tik ah print media hnakih zamrang sawn internet news pawl a rung um ih,cutik ah weekly tampi in an thih phah …1980 hrawng ah khan mawsi leitlun pumpi ih rak hminthang zet Life le Look magazine pawl tla daily news pawl le internet news pawl ih advertisement an lon thluh ruang ah an thih phah ih,cuti cun Newsweek cu a rung tang ring ring nan tu ah cun a cauk cun a um nawn lo ding a si hi.Laitong in Rangoon ihsi nitin kan suah ding khal ah kartin suah hnak ih thuthang a pek cak ruang ah a poimawh tuk.Mizorm ih Zoeng ka tuah lai khal ah adver. a tam thei lovi,cui ruang ah a  si daily Hnehtu ka run tuah phah.

News kan lak dan ding pawl

Sum kan neih dan le mitha,mithaim kan neih dan ih   zirinTeddim,Haka,Falam,Matupi,Mindat le Paletwa ti vek ah correspondent kan nei ding.Annih in ralring zet in,thu dik,thu ngan ngam pawl kan office ah in kuat theu ding.A tul dan ih zir in phone  le internet in in sim ding.News lak dan ah a tha le a ngaihnawm a tul rual rual in ralrin lawng te a tul.News siar tlak lo hlir a si ah cun rei a daih cuang lo ke.

1983 ih Aizawl ih Zoeng ka tuah pek ah khan tu ih Dr.Lal Nei Kam cu ka hnen ah um in hnatuan i bom ..Cule a hung tlung ih Hruaitu timi thla tin magazine a hung tuah.Copy 800 tiang lai a tuah man.Thla 8 maw si a tuah hnu ah an cawl.An cawlh hnu ah a nau Biaka cu Aizawl ah a ra ih,ziang ruang ah nan cawl ka ti.Anih cun Hruaitu cu an siar duh nan sum an nei lovi,kan tuah thei nawn lo,i ti. Khla iah Hruaitu cu uk khat ah Ks.2 in an zuar.Cutik ah cun  kei in sum an nei lo cu ti aw hlah,kan Lai tlangval pawl zu khal an in thei,phe khal an kah thei,lakphak an in thei,nan nih nan thusuah a thu a tha tuk ih,mi in an siar duh lovi,cu nah a man an lo pe duh lo a si si,nan thu suah mi pawl ah Saya Thang Tin Sum ih ngan mi nule pa upat ding ti vek pawl a si ih,hivek an siar duh lo pi.An siar duh mi cu Cekan ah  mi an that aw,Natchhawng ah nupa an then aw,Sakhangyi ah sumdawng pawl an kai ti vek si maw tiah ka ti.

Cule kan Laimi pawl ih thu cu suah tlak hmuah hmuah cu tha ten kan suah sak thluh ding ih,cui ruang ah Falam tong thiam lo cing khal in siar an tum thluh ding.Tahan seh vel ih Mizo tong hmang,Haka le Teddim tong hmang pawl khal kan siar tir thei thluh ah cun a copy khal 10,000 tlun a thleng mai dfing ih,politically khal in siseh business wise khal in  siseh kan hlawh tling mai ding.

Chin mi lakih tong kan cuhawk zawk rero tla hi media ih si kan tuan cun kan thu le kan tong cu a  darh cak nasa mai ding a si mai.

%d bloggers like this: