Burma Ram Feh Dan Ding Part 49

Nitin Thutahng Ca Kan Suah Ding (3)

 

A Cem Zat Le HnTuan Dan ding pawl


California USA ih sin Pu Lallawmthang in thuhangca suah dan ding ah a theih mi pawl a run ngan ih,tui Burma Ram Feh Dan Ding pawl tla pakhat hman hlah lovi a siar thu tla a telh .A tlun ah lungawi thu ka sim.

Cule Pu Lawm ih timi ah Burma ah journal suah ding in a mal bik US $ ting 5 tal a tul  a ti ih,ka lung kim pi zet.Kan dung te ah Aizawl ih ka nau Sui Thawn thawi kan phone awk nak ah Mizoram Synod (Presbyterian pawl in offset thar 4 colour printing press, India Rs. in ting 40 man an lei a ti i,cucu US$ cun 80,000 hrawng maw a si ding.Journal or newspaper suah ding cun chawlh theih a si lo ruang ah press thazet 2 tal neih a tul ih,tiduhnak cu,press man hman ah $ ting 2 zik zik a tul.Cui ruang ah Pu Lawmi ti cu a dik ko.

Asi le Laimi in teh ziang tin saw kan ti ding.Himi ruang ah famteh Rangoon ih milian pawl ih press kan hmang ding ka ti nak..Cu le,kan milian pawl le mipi kan tang tlang ding ka ti zo kha.Tui tum i Rin zin hrang ih nan thawh mi hi $ in 30,000 hrawng a si ding.$30,000 hin ziang pawl Laimi thanso nak ah a  tuan thei ding ti tla ni dang ah kan ngan leh kei.Tui tum ah cun kan Laimipi ih thawh mi le milian pawl in $20,000 tal thawh thei bang uh la,$50,000 cun kan tuan thei lo ding maw ka ti ko.A si nan a thawk pek i sin thuthang ca ( Chin level tal ah ) a tha bik kan si tir a tul ding.Copy 7000 tal in kan thawk ding.

Pu Lawm ih ti vek in Kalemyo ah milain zet pawl in press tha zet 2 tla cu nei thei seh la cu cumi kan ring mai ding.Newsprint (raw material ) pawl motor i man ol sawn i phurh ih Kalemyo ih finish product (newspaper ) can tir cu economic zawng khal in um zia a nei deuh ko.Kalemyo ih press kan hmuh thei cun ti nak.Culo khalah  vanzam ih phurh ding khal ah newspaper cu essential commodity ih an ret ruang ah khui ram khal ah thuthangca vanzam ih phurh man cu an la mal deuh.

Kan ngan zo vek in copy 7000 tal in kan thok ding ih,Rangoon ih advertisers pawl in a press rori ah a copy khal an check thei ding. Cui hnu ah Kalemyo,Tamu,Teddim,Falam le Haka ih half a million people cawmtu ding a si ti an theih cun advertisement sum cu a rung lut huho ko ding.
( Suak leh ah thuthangca hi ziang ruang ah a poimawh ti leh news kan lak dan ding kan ngan ding ih.cumi hnu cun subject dang kan tawng thlang ding)

(Visited 45 times, 1 visits today)
%d bloggers like this: