Burma Ram Feh dan Ding Part 46

Rangoon ah Chin Information Centre Neih Siseh La

Ram le miphun thanso nak ding ah cun sunmang khal kan man ve kei,tui  ih a  can thei lo khala ah can thei ding ni tla a um leh ke cu.Cumi ka ti duh mi cu Rangoon ih Chin Information Centre neih ding hi a  si.

A hmasa ah a thatnak ding pawl run tar lang seh la.A hmasa bik ah cun leitlun ram hmuah hmuah in Falam mi pawl ih address le an thuhla tawi kan la thluh ding.Malaysia le India le Burma leng ih  um ( Mizoram ih um cu telh hrih lo bang seh la ) thawn cun mi 10,000 tlun cu kan si a rin um.Himi pawl ih email le phone no. lak thluh ding cu a harsa law law ke.Hi pawl hi Rangoon ih si lak ding a si ding ih,kan theih duh mi,kan sung te maw kan rual pi,kan rualpi hlun pawl ih tulai ih  an thuhla kan theih duh ah cun Rangoon ih CIC ah kan sut theu ding.Hi tawk office ah mithiam mifel 2 tal in hna an tuan ding ih,office can tla ah cun ziang tik lai khal ah a mal bik mi 1 cu a duty ring ring a tul ding.Cu tik ah cun an suh duh mi kha hitawk office i sin a theih tawk in an bawm ding a si.
Cule a cang cang cun khui tawk ram i um si maw pawl tla kha an rak thawn aw ding i,cu khal cu hi office i sin theih patawp suah in hawl suak a tum aw ke.Hi ruang ah hian himi office ih hna cu a ol lo ding ih  a si nan a thahnem ngai ngai ding.Mithi,damlo,thudang dang hrang ah zo zo maw si i address le email le phone no.kan duh ring ring ding ih,cumi ding cu hi office in a hawl suak ding.Office kai mi 2 in thuthimnak ah pakhat i address thar a rak hawl lai ah a dang cu hmundang ih si an hawl tir mi cu a rak hawl ke.

Kan theih cio vek in tulai khawvel ah cun information tha tha a zamrang bik i a pe aw thei pawl hi an thangso bik a si mai.Cule thiltha cu kan thei cio vi,a tuah a har theu a si si kan ti ding.A dik law law.Himi ding ah cun hi Rangoon ih office ah computer 3 tal a um ding ih,2 cu hman ring ring ding tluk a si ding.Inn (office )luah man,staff 2 ih hlawh man pawl thawn cun sum cu tam a cem nasa ko ding.Cumi hrang ah cun a hmsa bik ah cun sum thawh khawm i tuan tla a tul ding ih.cui hnu ah in bawm duh tu pawl hawl phah vivo a si ding.

Cule hi CIC hi Rangoon i Falam Pawlpi ih hnuai ah si maw kan re ding.

%d bloggers like this: