Burma Ram Feh Dan Ding Part 45

Seminar on Economic Development

Kan dung ni 10 lai ah Aizawl i ka nau Sui Thawn thawi kan biakawknakah a nih in “Ka u,Rangoon i seminar ti vek tla cu “a tii,keiin a tha  lo mawsi,ka ti.A nih cun a tha ko nan kha hnak i tha kan dung kum lam tlaah na ngan thei a si si i ti.Kei cun kan ngan zawk rero lai ding ho khaw ka ti.Tu khalah Rangoon lami tuah thei mi tum 2 hrawng cun ka run ngan hrih ding.

Rangoon cu kan hmun pi bik thotho a si ding ka ti zovi,Rangoon i si tthansonak tampi kan hawl a tul ding.Cumi lakah Seminar On Economic Development tuah hi pakhat a si ding.

1988 lamdaih ah a si thlang  ding i,Aizawl ah Synod Social Front hoha nak i tuah mi Seminar on Economic Development ah  ka va kai ve.Cucu Mission veng i Synod Conference hall ah asi.Darlawn pain thu reltlan nakah “Mizo pawl hi kan zangzet asi lo,tuan ding tha thil hlawk zetmi kan hmuh lo ruangah a  si “a ti.Hihi kei cun ka lung a kim lo tuki,cu tawkah cun hiti in ka sim.Kei khal ka duhmi ka tuah thei theu lo.Ka duh lomi khal a tul dan i zir in taima zetin ka tuan mai.Keicun Time le Newsweek magazine siar vek hi ka duh bik ding i,a si nan a tul dan i zirin Mat phai khalah taima zetin antam cing i tuhmui thawn hna ka tuan a si mai”ka ti.A kai tu then khat cun ka thu sim cu tha an ti zet.

Himitumi paper siartu MA zirlai pakhat cun Mizoramin power (electricity )kan neih that can ah electrice tha in phai ruami tiva pawli tidai pawlcu  kan la so dingi  kan tlang par tlangzik hmun rawn pawl tla lo le hmuan ah kan tuah thluh ding a ti.Cupacu ka el lo nan ka thinlung te cun na va tuah har ding ve aw ka ti.Ziangah ti le kha tawk lai cu rel hlah tulaitiangin mipi hrang  hmanah electric an daih aw hrih lo a si.Tu ah cumi a rel cu kum 24 lai a rei leh zo.

Cule1991 ah a  si leh i,cu lai ah cun Zarkawt tlun i Co-operative hall ah Seminar on the Economic Development of Mizoram zarkhat sung (ni 5)neih asi.Hi tawk i papar siar tu pawl cu mi thupi tak tak,Delhi i  India Planning Commission i tuan IAS officer pawl tla an si.Himi seminar hi Chief Minister Pu LalThanhawla in a ong i,zarh khat sung khati laii Mizoram Finance Minister( Mizoram i No.2) Pu J.Lalsangzuala cu a tel kim suak.Cumi seminarah cun Mizoram Agriculture Director Pu H.Thansanga cun Mizoram phairuam tivek pawl,hmun rawn hmuah hmuah cu kum 5 sung ah a sangsang ten leileh lo ding ah kan tuah vivio dingi,kum 5 hnu ah cun fangfai state leng lam i ta lei a tul nawn lo ding i,kan mah te kan daihaw ding a ti.
Agri. Deicretorrori i cumi paper a  siar tikah cun ka tha a tho zeti,cumi seminer cu Englsih i tong a sii,keikhalin a sile nang hin director vekin Mizoram i a cozah hmuah hmuah Congress,PC le MNF pawli um dan na theit thluh i,acozah hnatuan na dept.le na thei thluh fawn,Mizo mipi le na thei thotho,na paper siar mi hi kan tuah ke maw tiin ka sut.A ding lohli i,”My paper is meant for the seminar only.Whether the government will do it or not is another matter “a ti i,a to lohli.,Burma mi pakhat ka si ruangah na a ti i tlunah ziang i siar lo ah a cang.

Kan nih khal tthanso nak seminar pawl kan tuah a  cu thlangi,kan paper pawl khal mipi,NGO,Kohhran le a cozah pawli tihtheimi,kan tuan ding ngai ngai pawl lawng siar seh la a thabik ke cu.

%d bloggers like this: