Burma Ram Feh Dan Ding Part 44

Gen.(Rtd.) Shwe Mann in Tiangyinta Pawl a Mawhthluk Ta Riai!

Tihni sun (26-9-12) ah khan Burma ram parliament speaker  Gen.(rtd.) Tura Shwe Mann cu Singapore ah a  tlawng i,cunah cun a thl;en nak ah BBC correspondent Jonathan Head in nazi 1 sung lai thusuhnak interview a nei.Jonathan cun Shwe Mann cu biak a nuam zet i,hni suamsi ten a um ring ring,hmuh khal a harsa lo nasa a ti.

Shwe Man hin uniform a hruh nawn lovi,tu hlan ah cun uniform thawi an zuk mi lawng lawng ka rak hmu theu.Tui tum TV ah a hmel tha ten ka hmu thei.Shwe Mann hi reformist ( thelng awk duh tu) a si ti ring ring a si i,cui tlun ah leh hnu i President si tum a si ti tla in ka thei teuh i,tui tum khal ah President si a tum leh rin a si thu BBC in a sim.BBC hi radio le TV in ka ngai i,ka zoh ve ve.

Shwe Mann hi Kawl tong in a tong i,a tong hi English i leh cop a  si.Cutawk thu suh awk nakah cun Shwe Mann cun Aung San Suu Kyi cu a sim mawi ,hna kan tuan tlang a si ti tla a rel.Burma cu thleng awk nak reform nak lam ah a feh vivo ko ding a ti.

Shwe Mann hi Gen.Khin Ngyunt a tlak hnu 2004 i si cun Burma i No.3 si in ralkap hmuah hmuah hotu a rak si.Then khat tla cun Gen.Than Swe a tuan nawn lo cun a mah a thupi bik ding ti tla in an rak ti theu.

Midang mawh thluk an hmang leh.

Burma ram i tha lo zet i in uk tu ralkap hotu pawl hin an hlawh tlin lo nak ah midang dang thuphan per cing in an mawh thluk theu.Tui tum i BBC i a suh nak ah,ziang ah so tu lawng i democracy lam i nan feh,ralkap i nan uk sung ah mi tampi in harsa zet in an tuar ring ring a si si tii suh nak cun Shwe Mann cun kha tawk lai ah khan Taiyingta Tapung pawl i buainak an tuah ruang ha  si ti in a ti ta riai.A thusim dang hmuh hmuh cu ka lung a kim thluh nan himi hi cu thu phan rori a si.

Kan thei cio ding i,Gen.Khin Ngyunt khan ramhnuai um pawl thawn cease fire a tuah thluh i,KNU ti lo cu.Cui ruang ah Shan Ram pi le Kachin ram area kau zet tla ah cun Burma ram in daihnak a rak ngah lai tak fang a si.1994 i sin 20010 kar laka h an duh ah cun tu vek in democracy sangka hi an rak ong thei ko.

Tui tum ah Shwe Mann hin tlangpar mi democracy duh pawl a mawh thluk i,ralkap lam tang pawl leh cun  democracy i kan luh har nak hi Pi Suu Kyi i ralkap pawl a biak duh lo ruang ah tiin thuphan an sim ve thung.Suu Kyi cun kum 15 tlun sung be aw kung ti in a dil ring ring nan ralkap pawl cun an duh lo i tlun ah 2003 tla ah cun Depeyin khaw kiang ah thah an rak tum i,cui hnu ah cun cang thei nawn hlah seh tiin house arrest in tong an thlak ring ring a si kha.

Burma Ram Feh Dan Ding ah hin ka ngan dah i,Gen.Than Shwe tla cu tu ah kum 80 mi si lovin kum 60 mi cu siseh la cun ralkap uk kum 10 lai i uk leh a duh ko ding.Cu lo le 2007 i phungki pawl i zinzawh kha um lo seh la cu tui hnu kum 5 tal cu uk bet a tum ko ding.Hiti cing hman in ralkap duh zawng i danpi tuah i Suu Kyi tel thei lo dan i kum 10 lai run uk an duh nan Burma ram economic a siat tuk i tlun ah Arab Spring a rung suak i,cui tlun ah reformist Burma Gorbachev President Thei Sein a rung um ruang ah ram tha lam ah kan pan thei ding ti a zum um fang a si hi.

%d bloggers like this: