Burma Ram Feh Dan Ding Part 42

Rangoon I Seminar Tuah Dan Ding


Kan dung neta bik ah Rangoon khawpi ah Falam Pawlpi kaihhruainak in seminar pawl kan tuah ding tiin ka ngan zo.Seminar hi Tahan khal ah Falam khua khalah tuah ding a si.Tucu Rangoon hrang lawng kan ngan hrih  ding.

Kan relzo vek in Rangoon cu kan hrang ah a thupi tuk tho tho i,Rangoon i um Laimi pawl i an rak tanthat ah cun kan thanso nak ah tampi in bom dingSeminar hi thla 3 dan tla ah tuah siseh la,a si nan hi seminar pawl hi thu elawk nak le huat awk nak i kan can tir lo a thupi ding.Seminar ah subject a phun phun a um thei.
Civil society pawl tithat le tickah dan tla sim a theih ding.Hihi Mizoram i YMA vek ah a  cang ke.Tu hi Falam khau tla ah civil society tha tha tla a um i lungawi a um zet.Himi pawl ti that sin sin dan tla rel khawm a si ding.

Harhdam nak lam tla ni khat sunnihlawh i doctor pawl i in zirh a tul ding.Lai khawte le doctor um lo nak i zohawk dan a phun phun tla in zirh ding.Kan Laimi lak i kohhran pawl thuhla tla in zirh le in theih tir a pawimawh zet la la.Zo khal nautak awk ding a si lovi theih kau nak lam i simawk ding ah ruat seh la.

Kan Laimi/Falam mi pawl i Bible tlawng thu hla tla in sim cun ngai a nuam zet ding fam teh.Cule thanso nak lam tla tampi sim awk ding a um ding.Politic/parliament le governance lam tla,a cozah khal sawisel cuang lovi mipi zirh tir dan a um ding.Calai lam,thuthang ca le magazine i tlun ah cauk print i kan Laimi theihkaunak tha pek dan tla simawk ding a tam zet ko.

Thla 3 vawi khat kan neih cun kum 1 ah vawi 4 lawng maw tla a si ding i,kan khawp lo zet ke cu.A si nan zing lam 10AM i si tlai lam 4 PM tiang maw kan simawk cun tampi kan thangso ko ding.

Cule a sim tu lam ah cun a cang cang cun Kawl tong i in sim tu ding hnamdang pawl tla sawm an tul kei,a tam sawn cu kan mah Laimi pawl i sim thei ding a si ko ding.Lami pawl kan sawm ah cun hlawh pek awk tul lo bang seh la,ziang ah ti le ram le phun hrang i kan tuan tlan ding ruang ah.A kai tu ding hi 50 tal an si a tul ding.Aizawl ka um lai ah Aizawl khawpi ah mi 200,000 lai kan um i,Mizoram  mithiam tha tha tel nak seminar Vanapa hall i an tuah nak ah mi 50 hrawng lawng in an ngai theu vi,thusim tu pawl ka hmaisawng riang ri theu.

Kan nih mipi hip- ding ah cun napi cang a tul ding.Bus to man khal pek thei a tha ding i,sincaw tha zet khal pek thei a tul ke.Cumi cing in mi 50 tal kan hmuh cun a tawk nasa hrih ke.

Sum ngah nak ding lam ah cun Rangoon i kan Laimi mi neinung pawl kan rinsan kei,ramdang i um kan Laimi pawl hnen khal ah bomnak kan dil ding.

(Visited 37 times, 1 visits today)
%d bloggers like this: