Burma Ram Feh Dan Ding Part 41

Rangoon I Falam Pawlpi Hmailam Hrang Ah

U le nau pawl,hi cahram ka ngan ding ah hin tampi ka ruat aw aw.A hmasa i in theih pi ding ah,tu fang ah Falam Pawlpi hi ziang tin nan feh pi,zo pawl in an ho ti ka thei lo.Cui ruang ah himi ka ngan mi hi zohman ka sawi sel si lovi,hmai lam hrang i feh dan ding ah a tthat pang ah ti in in ruah sak uh tiin zangfah ka lo dil.

Kan Laimi hrang,kan Falam Laimi hrang ah cun Rangoon hi a thupi ring ring ding.Nepidaw a thupit khal ah Rangoon cu a thupi ring ring tho tho ding.Cui ruang ah Rangoon hi kan lai muril,kan hmunpi bik a si tho tho vi,kan mi le sa pawl i tthanso nak ding khal ah Rangoon cu a thupi law law ding a si mai.

Rangoon ah Falam Pawlpi ti a um i,ziang ti vek in hna nan tuan   ti ka thei lo.Cumi pawl in tha ten an lo hruai ko ding.Tui ka ti duh mi cu,kan ram khal a tha vivo ding i,tui hnak i tthanso khal kan tum a tul.Cumi tikah Falam Pawlpi hi in hruaitu bik i kan hman tlan dan ding kan ruah a tul ta.

Rangoon cu a tum tuk i,Falam Laimi pawl khal tu ah cun 2000 hrawng cu nan um em ding i,cumi pawl i tul nak lo ngaihsak thluh ding khal a har zet ding.Ziang ah ti le Pawlpi I President le Secy. pawl khal  mah te i hna tuan poimawh nei cio an si ding i,an nih hrang ah 7 hour day i siar in thla khat ah ni 3 ( 21 hours) ni 4 (28hrs.) hluan lo pawlpi hrang i can pek a theih lo men ding. Pawlpi tichak le kan duh si,hna tuan vutvo tu le kan hai si.cu ti a si ruang ah hi tin ti tlang thei seh la teh.

Falam Pawlpi i OB pawl kha cu an thupi law law ding i,cui tlun ah full time staff pakhat,kum 30-4- kar lak mi,ca thiam,mi taima.mi fel,mi zangfah nei,sum le pai khal i rinum, mi pakhat cu hlawh pek in ruai thei seh la.Sum a tul tam zet ti cu kan thei thluh mai ding.Cupa in ziang a tuan ding ti ruat tlang seh la.Damlo sizung i um riah pi tul an um le,zan hnih thum na na na cu a riah pi ke,a can cun thla khat ah zan 7 lai cu sizung i riah a  tul ke.Cu pa cun President le Secy. pawl thawn an tuan tlang ding i,Laimi mi harasa,thubuai nei ti vek tla bom thei tawk in a bom ding.
Cule Falam Pawlpi huaihawt nak in mipi thanso nak ah thla 3 vawi khat maw,thla 4 vawi khat maw seminar tla tuah a si ding i,cu nah cun mi 50 tal kai thei seh la,hi nah hin thanso nak pawl,a tul mi theih kau nak pawl,harhdam nak pawl tla sim a si theu ding.Hiti vek khal ah kan full time staff cu a thahnem zet ding.Kan pawlpi staff hin thlakhat ah  ni 20 tal cu full time in a tuan ding.

Himi staff hrang i sum le pai ngah nak ding ah cun tui third country i um kan Laimi duhdawt tu pawl in sum nan thawh kei,thla khat ah $100 a ra thlen thei cun Rangoon i um Laimi pawl i thawh dingd mi pawl thawn kan cawmaw thei ko ding.

Cule office kan nei ke maw nei lo ti le Rangoon i Falam Pawlpi in ziang dang  a tuan ding ti pawl cu ni dang i ngan leh ding ah ruat seh la.

%d bloggers like this: