Burma Ram Feh Dan Ding Part 38

Burma I Ramdang Leiba A Neih Zat


Tui kum February thla ah khan Burma Finance Minister U Hla Tun cun Burma ram in ram dang ah sum $ billion 11 a bak tiin parliament ah a  puang.Himi leiba pawl ah hin billion 6 lai cu President Ne Win san lai i si a bak mi pawl a si a ti.

Hiti Minister i a puang thutthi hin mitam pi cu a ti mangbang thluh.Pakhat nak ah cun Burma hin ralkap uk a  si lai ah ramdang i a bak mi a leiba zat hi a sim dah lo.Pahnih nak ah cun a bak mi leiba hi rin hnak in a rak tam a si.

2009 ah khan Burma ramdang leiba (foreign debt )hi $billion 9 a si ti zum a si.Billion 1 ah million 1000 a si.
Kan dung lam kum 15 lai ah khan mawsi statistics pakhat ka hmuh mi ah Burma ramdang leiba hi $ billion 6 hrawng a rak si.Tam ka ti lem lo.Ziang ah ti le Bruma hnak i a  hrek i fate,a si nan milai ah cun Burma hnak i tam Philippines ram in cu lai ah leiba $billion 30 lai a nei.Cui tlun ah khalai khal i ram lian zet,a ram zawng cun Shan state tia fang,milai ah cun Burma zat lai a si mi South Korea khan ramdang leiba $billion 50 a rak nei.Cumi vun ruah cun Burma i khatawklai i a leiba billion 6 ti cu a rak tam lo ka ti fam teh.

Cui t;lun ah,Mizoram i ka um lai ka vun thei i,1991 hrawng kha a si hmang,khatlai i state a cozah Pu Lal Than Hawl i hruai Congress khan leiba tam zet an rak nei. Ka theih dan tla ah cun Mizoram hin tum khat lai i a budget million Rs.13000 lai ah Rs.million 2000 lai cu kum tin in state leiba rulh sal nak le leiba i a tthang interest rulh sal nak ah a hmang ti a si.Opposition pawl cun an relsia zet nan Chief Minister Lal Than Hawl cun “Leiba neih cu changakan na )a ti san men.Cui ruang ah a si ke cu S.Korea vek in ram lian khal i leiba an neih tam ka ti ve.

Leitlun ram lian USA khal i national debt a neih zat cu kum tin i a gross domestic product zat a si zik thlang tia a si.USA hin China ram pakhat lawng  tlun hman ah $ billion 800 lai a bak ta ria e.Cumi vun ruah cun Burma i leiba $billion 11 tla cu a mal zet lo sawm!

A si nan,a si na,Burma vek i ramfarah,Burma vek i ram tla sia hrang ah cun a leiba hi a tam tuk.Ziang ti vek in a rul ding ti khal theih thei a si lo Kum khat i a interest lawng hman hi $ million 80 tal cu a si ding..Burma hin Japan ah leiba a nei tam bik ,$billion 6.4 lai a bak.Japan hin Burma ram democracy lam i tuah that awk a tum ruang ah Burma i leiba ziang maw zat cu a ngaidam i tlun ah a dang hman a cawih bet sal.

1988 i buai ruang ah ramdang pawl i Burma an bom nak cu an pe  niam nasa.1988 i $million 330 an bommi kha 1989 ah cun $million 90 lawng an bom.Pawisa khal an cawih ciamco nawn lo.1988 hnu i Burma ram sum a cawih tambik tu cu China ram a si i,$billion 2.1 a rak cawih dah.

Buram ram i leiba pawl hi,World Bank,Asian Development Bank , Japan  China pawl hnen i a bak mi pawl a rak si.

%d bloggers like this: